Athax KHOVEL EITE - Japan Galpi leh Zolei
  Home
  Contact
  Guestbook
  Mary - Lamdanna
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  => Golden Triangle
  => Mautaam Zusa
  => Japan Galpi leh Zolei
  => Japan Galpi leh Zolei-II
  => Vuite, Vuite Ham leh Vuite Hausate
  => Tualte Nam Mah Hi Hang
  => BUH Al
  => HAAI BANG NGAKLAH
  => TUTE vualzawlna la
  => Sa Zolh Laa
  => Loupa Minte
  => Loupa Min khenkhat
  => Patt (cotton) toh kisai
  => Achihdaan Tuamtuam
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear
JAPAN GALPI LEH ZOLEI
By Lee Athax
 
Zogam leh a huzap phak gam ah hunbi simna ding in thil tung tuamtuam a thupi deuhte kizang sekh hi. Hiai lam toh kisai in hunbi simna din Aksi Kiak Kum chih bang, Khimjiin pi  chih bang, Singtaam , Mautaam, Ni Sathpi Kum, chih bang ana kigen hi. Aksi Kiak kum in van a aksi tung si-al t eke-sukh zungzung dan in gen uhi. Tua banah hunbi simna poimoh mahmah khat leh a sawtlua hi nailou lah sawt mahmah ta khat tuh JAPAN GALPI  ahi. Japan Galpi kichi pen hunbi chiamtehna dia kizang te lak a Voutuam bik pawl ahi. ‘Japan Gal ma in na piang ta hia?’ ‘ Japan Gallai in tualtai thei ka hita’chih bang upate kidotna leh houlimna leh a upat dan uh sutna din ana gensek dan ahi uh. Japan Gal pen World History ah World War-II huai tuh eipau a Khovel Kidoupi-II hiam Kidoupai Nihna chiin kithei a eigam hon pehloh hun pen 1944-45 chih vel, Gal beikuan lam deuh hidia ginmoh ahi. Galpi Kangmei in Zolei hon pehloh ma in I pipu te in Khovel Galpi omlam himhim phawk phalou in, ningzu-aisa toh ana nungta niania lel hi uh.
 
Chikha jaang Galphual
I zolei hon pehloh hial tak in bell au leh liing in, chimoh kisa lah hih ding dan tuan theilou in Galtai sawm pawl toh a tailou pawl toh a om khak bangbang un ana om bingbeng uh hihtuak. Gal hong tung leh ki nekha lou ding chi-a Huangvulh ganta, leh akta gou zengzung pawl toh kisaan tuak mahmah uh hihtuak. Zolei ah ahihleh kikapna Naselua omkei vanglak chih ding ahi. Himahleh , ana gen sek uh Chikha jang (Myanmar) a Gal phual a kikaptuahna mun ahihleh chimul thou khop in mulkimhuai dan a gen pawl om hi. Huai mun ah, singleh lout e bang thau tang in kap puk zengzung mai, puk zeng zung in kibiltan khiak ua, galphual mun bang ngial tuh gamlak chih omlou in ngil sim hethut hi ding hi. Hiai mun ah thuapi leh Tankte khong zang hial in ana kibei nekh-nekh uh hidan a gen pawl om hi. A nung in Camp luh pawl ten sik van tampi leh umleh bel tampi vala khia uhi.
 
Guite Kual lampang ah Bang?
 
Guite kual lampang ah leng gentheih ding om zeuhzeuh hi. Gallai ahi-a , Sinjawl Khua ah kua hiam Sagou , Vokgou dan a gen pawl om, omhi; Pisal bangzah hiam in a Innkatau uah a sa sem in tu tiptep ua, sa at pawl , saguh sat pawl leh a ngoi khuah pawl chih bang in kikhen uhi. Huchi-a a sa bawl uh zou kuan sim lampang chih ding in a tung uah, vaan lam ah Lenna hong leng ging VU-VOO hi, kawlmong lam apan hong suak a hong neh hiaihiai in, Amau leng LONG LENG ei  chi in chimoh leh lauh mel pu kawm in ana en dedu geuh uh kichi. Huchi-a a tung zawn hong tun in khatvei velkual a, a etkhaik zoh in , kawl mong lehlam pang a lenpelh ding in leng suk ta hi. . Huchih lai , bangzah hiam te in chiam-nuih bawl kichi in, Sing khuah man in, Thau chihpian in ngim tou  ua “Pung.. Dhol Poong Dhol.. Pung !!!”  chi in Longlen pen kaplem kineih zenhouh uhi.
 
Chihphet leh, huai Long leng(Fighter) in ngaidah lua hia? Ahihke’h Galte sa taktak hia? Ahihke’h iplah huai sa hia? Thei khang ; kihek kawi ngiaingiai in hong leng kik thak a, Sinjawl khotung zawn khong ah BOMB-PI  hong khesuk tultul mai chi uhi. Hong kesukh te a bultung in khut tum chia chia in kimu a , huaizoh in Khuai bu chia in, huai zoh in Aktuam chia sang a lianzaw (sauzaw) in lei deng sukh dup-doop hi kichi hi. A vek au puak hita maizen leh bang a suak ta maizen diu….. Sinjawl khua vut-le-vai suak ding ahi. TNT tampi bang suahkhe zou ding uh hia …. Maw. Tazen, Vangphat huai hi chini, khosung naih deuh a kete puaklou in a nawllam deuh a kia khat chauh kia puak kichi hi. Hiai bomb hawng te a khonung a kimu khate hichi bang ahi—jol piu-piau (cylinder shape) a monglang-nih  tuak zum piu-piau, a lai zang a golna pen , diameter 1-1.2 feet khong ahi ding. A hawng sahdan (Shell thickness) ahihleh 1-1.5 cm vel khong ahi ding. Sik tak mahmah a bawl ahi ua a gik thei uhi. A saulam ahih leh 2-3 feet khong hi ding hi. Teltawk puakzak himaizen leh Mihing gentaklouh huangvulh ganta leh sing leh lou bang zah a kang mang maizen deh aw…. Tulai pau in DANGER himai.
 
Huai bomb hawng te a khonung in phelzak in om a, a sikte BiakInn dak ding bang, Tuzat heizat leh hiam hei tuamtuam ding bang a sek pawl om hi. Biak Inn bang zah hiam ah hiai Sinjawl bomb hal dakpi ding in kizang lai ding hi. Bomb Vuite thauvui ding bang leh Tuivai Lii a ngasa kapna/denna ding bang a zang pawl om kichi hi. Gua taang kal khat la ua, huai sung ah a vui, sudim in tatgak mitmet ua huai pen puansia toh zom in hal ua, Tuivai Lii a den ahih chiang in tui bang kikhoh (ki-fon) tou veng veng mai chi uhi.Huai zoh in huai mun ah Ngasa si tamlua ahihman in tuitung ah kilam ua, pak dim pheuphou mai chi uhi.. Huai lai khong in bel Tuivai ah bomb kihahzat nailou a, Ngasa bang leng tam mahmah lai hi.

Continued Nent Page
 
Link Within This Site:

 

A TUL LOU MARY LAMDANNA>> LAWIBANG THANNA TUANGLAM>>
ZOMI PUPA GINDAN LEH KHRISTIAN HINKHUA>> EITE MUSIC MANOHNA DING>>
EI GAM LEH SHING GAM>> KHUL LEH I KIMINLOHNA >>
PAITE-AS OTHERS SEE>> GUITE ZAWI>>
LUNGTHUL TANG A THIL LAMDANGTE >> Vaamg Kisong>>>>> >>
story of UFO SIGHTING IN TURKEY>> Bermuda Triangle>>
GOLDEN TRIANGLE >> OPEN SOURCE>>> >>
The Story of Submarines  Supari Hoihlouhna
 Beijing Olympics 2008  Mautaam Zusa
 Wright Brothers  Ghost Kids
JAPAN GALPI LEH ZOLEI -II               
   
   
   
   

 
 
Titles under
KHOTA    HINKHUA
 
Back to  [ HOME ]    or  [ KHOTA HINKHUA ]





Add comment to this page:
Your Name:
Your message:
Site Entu- Hiai zah 46535 visitors (240418 hits) on this page!
=> Do you also want a homepage for free? Then click here! <=