Ka pianna mualdawn vangkhua ah gual englou in, nuamtak in nga bang leng ingh. Hiai mun ah khovel dang omlam phok banlou in midang toh kikim in nuamsatak in ka leng hi. Kuapeuh a ding in pianna gam sang a nuam zaw ding ana omkeihi. Lungsim khat ah vual phaklah tuanlou leh mitoh kikim a leng sam bang a kingaihna om hi Ahia a Lamka jang ah kong lentak in , khovel a kidang zek ka sa hi. Miten neih leh lam te nei ua tukthei taithei in kikhoh uhi. Alim a al ne in khosa ua, nuamsa mahmah uh hi in ka ngai hi. Ahihhang in pau leh ham kikhat zang ngen akihih ziak in amau neih zohna te kei a ka gam ka nam a dan a ngai in ka kip[ah pih veve hi. Phai zang leh singtang a kibat louhna dank on thei dek panta hi. Ka hihna zo lungmawl khota tang lungmawl ka hihna neng kha theihna chiang kon neipan ahimai. Tahal in khovel ah eimite mah thupi pen dia koihna lung sim ka nei lai veve.

Atukzaw gam ka hong lut nawna , lamka ah kholhpih ding lawmleh vual hau mah leng tu’n tuh kei lou kua om a chi hileng kilawm a ei gam a ka lenn toh hong kidang hiai ta hi. Lauthawng hikei mahleng houpih kuppih ding kon zon bawl simta a, amau lah hong thulak kei ua, hao! Tribal pakhang  peuh hong chisuk maimai uhi.

Gam thukzaw ah ka hong lengnawn ta a, huai ah tuh pau ;leh ham kia bang zak in leng kihamhaih ngal mai hi. A vom ngal lah vom angoute lah ngou, pakhat suan hih nang chu van a gah achih te uh himai.Nidang a eimite mah khovel ah thupi pen in teh ka chihna ngaihdan ka neih zuau hong suak pan ta hi.Khut lumleh hong suak ta hi.

Amaute’n pau-le-ham ka theih louh ziak majh on hon hai bawl in hon simmoh bawl uhil Rckshaw , auto paiman bang kei tung ah tampi, mi dangte a sang a tamzaw lak hon sawm sese jel uhi. Amau kei hon haimuh hang un ken amautepil ka chih na ding leng thei tuan keng e, a vom uh toh kisil ngeilou uh hileh kilawm ka sa zaw bawn hi. Kei hihdan leh chindante hon soisel neuhneuh hang uh ken amau hihdan leh chindante pilhuai ka chihna ding ka thei tuan kei. Dan a hau mahmah ua , a dan uh haihuai pipi tampi om hi. ‘Holi’ achih uh hun hong tun chiangbang in a mei-apa , a tek-akhang , aneu a lian chih omlou in belmang kinuh hi awmtak in, upa pipi , pilpipi dia kilawm te naupang bangmai in , melki thei lou zen din taksa pum teng a rong ki tat khum leh thehkhum & kap zenhouh uhi. Adivasi chia simmoh a ka om hang in ken hiai a mau chindan te ah khanna ding leh pilhuai luat na tuan om hi in ka thei tuan kei . Nam pil piching kihite hih din haihuai dueh ka sa giap veh.

India mi ka ki hisak mahmah a , neulai bang in school ah ‘ India is my country , All Indians are my brothers and sisters I lover my country…’  chih bang kong gen chiang in lung hon khoih thei mah mah hi. Tua lah hiaite pawl in India mi in el hon sim kei ua, hon sim sun te’n le a nakhli  lem dueh dan in hon koih zomah uhi.Ka thangpai giap. Amaute India tu leh tate kichi diak uh ahih leh India Dan Bupi in a gen dan nuai ah mitengteng a kikim chih zuilou a kei hon muniam tuan uh ahi deh aw. India khua le tui kichiten a Dan zahtaklou a kei hon sikden bawl a “ adavasi” peuh hon chi uh ahia?chi in. ka ha bang ka gawi tonton sek hun a tam hi. Kinial din lah ka nial zou kei dia , thaguim ding lah a mau hon nawmvalh ding uh ahihziak in , ka puakgik chu koih khaki na ding neilou in ka pua kukumkhua mai ding chu.

Mihing a din pianna gam kan a nuam leh ngaih huai omlou ana hi ding eive ka chi ta hi. Eigam mah ah kithupi in, vualtung ki tuang a, midante’n leng hon tung et uh ana hilim veh.

Titles under
HOME

[Sinusities ]  [ Diabetes]   [ Blue Brothers ]  [ Lawi bang thanna Tuanglam ] [Pheisamte ]  [ Zomi PUPA Gindan] [Ei gam leh Shiing gam ]  [ The Holy Grail]  [ Eite Music manohna ]  [Guite Zawi ] [ Khul leh Kimin lohna ]

 
Back to  [ HOME ]    or  [ KHOTA HINKHUA ]