Mi upa kum 81 mi ka hihtak manin, hinkhua bang hi hiam , ka na theihdan gen ding in kilawm hunkuamta hiin ka kikoih . Chiantaka kana theih khat ahihleh:kilawmtaakna , upat leh naupan thu ah a kinga kei himhim hi. Chii-le-nam toh leng ……..

Lunglen laa satu( Blue Musician) a kana khosakna (career) ka nungetkik chiang in – ka lawm chingtang (guitar) siam Eric Clapton , Stevie Ray Vaughan leh Jimi Hendrix te kei adin a vou mahmahte ahi uh. Hiai te’n kei piakzah sanga tam zawtham in hon vuk uhi. 196 7 in Manhattan a Café Au Go Go ah Eric k’on mupan a, huailai in amah valnou kum 22 mi , Cream te lakah pang hi. Entumipi lakah hon mu in mipi lakah hon samkhia hi. Show beizohin , chialdoh (stage) tung a kaltou tuak in tumging tumkhawmna ka nei uhi. Eric in mi a hipzou mahmah, huai nungsiah kei a di’n amah ka lawm hoih ahi denta. Kikup khakna neikei mahle ungh, hon gawmkhawmtu hi a ka theih tuh kemtu ginatak neilou a khanglian ka hihtuakna uh hi di’n ka gingta hi.

Singhuan(plantation) apan genthei takin kana khanglian hi. Eric ahihleh kei sang in vangphatna hau hi. Amah ahihleh a Nu pen a Unu hileh kilawmphial in, a Pi leh Pu ten, England ah Amau sung a piang banghial in ana enkol tou uhi. Ka nu ka thei man na a, himahleh kum 9 ka phak in hon sihsan ta. Huchiin, kum 13 kahih a ka pa ka belh mateng, keivuak in khosa ingh. Bang chibang a hingsuah (survived) ka hi hiam chih genthei k’eng e. Ka tunga siam mahmah mikang (mangkang) khat te nnasem in ka pangh. Ni khat in bawng 20 nawi ka sukk jel. Ka zoh chiang in School ka kai jel hi. Pindan khat kia nei School buk sung tuna di[n 8 KM khepai angai (Mangkang naupangte Bus in_ . Eng mah leng neihlouh te a zal kizou ngeilou (Never miss what you never had) chi in ka kihehnem jel. Hiai ka haksatna teng teng Blue Music tumkawm in ka lungsim in ka mangngilhta.

 

Eric in England tanchinbute( newspaper) kiang ah US a hoh a nuam asak mahmah tuh B.B.King toh kimuh ahi chiin hilh hi. Aman( Eric) a genna ah “Blues (music) na ngaihnat leh vapai unla Amah (BBKing) va mu un” chi hi. Hiai tuh kei a dia thil thupi tak khat ahi. Huailai in Great Britain ah ka zinkha naikei.

 

Los Angeles a 1987 a kikhum (ki record) ka music DVD masapen, BB King Friends: A night of Red Hot Blues   chih ah Eric in leng hongs a hi. Hong telman a utziak in , a bialfanna(Tour) apan, akhutzung mukte pol mahleh , lenna hire jen in hong kuan hi. Huaituh thupigen ka sa mahmah hi. “ Nna zouphet ka hih jiak in, ka tawl:” chithei himahleh a chihlouh jiak in . Chial in om mahle uh midangte hong tel kei uh, himahleh michitak Eric hong tel. Kei a bangin a lungsim lian hi. Midang teng sang a siam in blue music a tum thei, rock ‘n’ roll chingtang siampen din ka gingta. Studio sungah amahtoh sepkhop nuam ka sa:” ngaihdan (idea) hoihpipi nei hi. 1999 in riding with the king ka khum ua, kei adin Platinum CD masa hong hihbanah ngaina tu (fans) khangthak tampi ka neihbeh . 2001 in hiai laa ah Grammy ka ngah ua, Eric kianga ka gentheih sun tuh ‘ Ka kipak’ chih ahi. Amah tellou hileh hichi in a lohching kei ding.

 

Kum 20 bang in kikhia mahle ungh, ka tate vual bang in Eric ka naupang bawl kei. Stevie Ray leh Jimi ahihleh ka ta Kum 15 a upa toh kivual bang le in ka ngai. Ka tapa in kei hon dot bang in, music dong ding in Stevie hong hoh jel. A hoihsim( mel) vial toh, nungak thu bang gennuam di’n ka ngaihsun. Himahleh , Jimi leh aman tuh chord chihte leh chingtang gindan chituamtuam te hon kuppih zaw uhi.

 

Jimi Hendrix ka muhpatna 60s bullam vel, Little Richard laka a panlai ahi. Pathianni Kal tomchik bial ka fang khawm ua, hun awl a neih chiang in ka kicheina pindan ah hong houlimpih jel hi. Stevie toh a kibang uh. Bang laakaih hiam hon tum dia, “B bang chi nasa a? Nalh nasa hia?” a chi ding hi.

Hichi deuh in chih om hia chih hon dong ding. Huaichiah nuam ka sa hi, heutu in sinlaite hihhoih amuh chiang a akipah bang in. Stevie chingtang tum a kin (nehsoh) mahmah. “ A kaih thei leng, kenleng nang kin bangbang in ka tumkin ding . Himahleh ka siam chiahlouh jiak in, a chiang thei tawp din ka awltum hi” ka chi hi. Hichiin aman hon dawng hi, “ Ka ut dandan a ka tum maimai hi”.

 

1990 a lenna kia a Stevie a sihlai in Eric toh bial fang lai ahi uh. Hiai thu radio a kana jak masak in, Eric pen si hidan in kana ja hi. Anung in a taktak a Stevie ana hizaw chih ka thei khia hi. Ka lung hon vutdan chu se petmah himai. 1970 a damdawi (khamtheih) jiak a Jimi sih inleng ka lungkham dan a kibang -- Radio tungtawn mah inkana ja. Khamtheih a lauhuai dan Jimi hilh kha hileng ka chi mahmah . Hlele amah ka theih tung in , milun ahi naikei, huai nung a khamtheih hon bawl hia, ka thei kei. Thuhilh theih ding in ka kiang hon naih ngeikei, tuntuh tumsiam (musician) khangnoute kiang ah “ Damdawi leh zu hilou in, na tumging(music) uh thupi bawl un”  chih ka hilh.

 

Stevie ahih leh a huchi kei. Ka gen peuhmah a jui . Kei hong kimuhpih chiang in, tukawmin, ka khe a hong kingaii in hon houpih. A omdan jiak in a ngaih huai mahmah.

Tuchiang in Mississippi ka paikik nung kum 40 chingta, hiai ah naupangte adi’n athawn in park ah Concert ka bawl sek hi. Kum 15 paisa ah ahih leh mivom(negro) naupangte kia hongtel uh. Himahleh, apaisa kum 10 akipan in chichih namchih akipan hongtel uhi. Hiai jiak in ka kipak mahmaha, ka angkilhte bang puannak akipan lengkhe hial leh kilawm hi.

Naupangte kei mivom samkangpa kiim ah, Stevie hih bang in, hong tukhawm jel uhi. Naupang kum 10, 12, 14 khawng te’n “Hey, B.B. huaite le,huaite le hong hilh dih ve ?”  chiin dotna hon dong souh souh uhi. Ka pau chiang in a mel uh hong vak in, ka kiang hon naih ua ka gen tengteng a chiamteh uhi. Naupang tampi ka neih theihsa ahi, huai teng lakah – Eric , Stevie leh Jimi te a lar deuhte ahi uh.

 

Thilkhat kei leh Eric tungtang – Mississippi akipan chihmahtak paukam sia (aw-haam) ka zangtam uh. Ka vinn kha pahpah. Eric in hichibang a ching ngeikei. Amah English michingkam( gentleman) diktak ahi. A hihtheih bang bang in midangte a panpih. Carribean ah khangdawng tampi khamtehih goihte adi’n rehab centre a hong. Amah bangbang mihing ahi khovel kiphatmoh. A music siamna jiak kia hilou in, a mihoihna jiak in leng. Ken leng amah ka ngaina mahmah.

Titles under
HOME

[Sinusities ]  [ Diabetes]   [ Blue Brothers ]  [ Lawi bang thanna Tuanglam ] [Pheisamte ]  [ Zomi PUPA Gindan] [Ei gam leh Shiing gam ]  [ The Holy Grail]  [ Eite Music manohna ]  [Guite Zawi ] [ Khul leh Kimin lohna ]

 
Back to  [ HOME ]    or  [ KHOTA HINKHUA ]