*Tomchik sung kia om diing, ka gimthuakna uh neukha in; taangtawn thupina thupi zaw ahon bawlsak hulhul hi.*

_II Korinte 4:17_

 

*A GAM VANG IN*

_T. Pumkhothang_

 

Tangthupha vang in i semgim in i tawl hiam aw,

Aw A gam vang in i genthei maw?

Tua i thuaknate i tunung a i tan ding toh;

Phulou in simtham a hilou hi.

 

Simlei ah gentheihnate thuak in i mau zong a,

Aw A gam vang in i lelliang in bangteng i taan zong;

Thupi a vanglian i Toupa bang a i om chiang'n,

Gimna i thuakte tung ah zohna lasa in,

Denchiang i leng ding.

 

Aw! i ginnate a bah in tawl in a om maw?

Lunglel a om in a nguigawp maw?

Muhtheih enlou in i pai ding hi i ginna toh,

Van a thil omte i mitsuan ding.

 

Gimna tampite i thuak in van-gam i lut ding,

Tun ah gimthuak huibang i mau lel;

Aw i ngaklah ngei Pathin tate thupi hun ding,

Van a aksi bang i zem hun ding.

 

         〰〰➰〰〰