Athax KHOVEL EITE - Mary - Lamdanna
  Home
  Contact
  Guestbook
  Mary - Lamdanna
  => Class XII result
  => Class X result
  => Mahni kimuan ngamna
  => Misi khua
  => Drinking
  => A TULLOU MARY LAMDANNA
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear

A TULLOU MARY LAMDANNA
 
Kumzabi tampi , Nu Mary in sahkhua leh biakna lamah panmun poimh pen ana luah. Bangziak ahidia- amah kua ahia?
 
A kum ahihleh AD262 ahi. Asia Monor a om Parsiate dou ding in, a phualpi Constantinople nusia in Byzantine Ukipipa Heraclius leh a galthuamte hong kinawnkhia uhi. Heraclius omluh hun lemchang sa in, Volga Lui dung a m  Vialpem nam ‘Avarste’n’  Constantinople hon dou ngal uhi.
 
Himahleh phualpi Constantinople tuh Avarste’n  lazou tuanlou uhi. Bangchidan hiam in , a Gampualam a om Heraclius in a gal-bawl siamna zang in Avarte nohkikzou ho. Khenkhat in ahihleh Mary Jesu nu lamdangtak a hong kigolhna ziak hi in kigen hi. A Tangthu hiaite pawl sutdan in, Byzantine Saptuam a dinmun sangtak len khat in Mary lim kigelh tawi kawm in Constantinople kim veelveel hi. Huchia mipan, nidanga Mary in ana teen sek (hi-a kigen ) puantual (gown) tuipi a hon diah leh, huihpi hong nung in melmate long tengteng tuammang vek in om hi. Hun dangah leng Mary in Constantinople ana humvit sek a theih ahi. Huchi ahihziak in, amah( minu) min in Biakinnte tunding hazel hi. Mary limgelh, tungman-limte (figurine) in mual tampi jel hi. Mary tuh pathian mel (kilaakna) ahia amaute humbit sek , Pathian mihing melpu a hong kilak ahi chih pom masapen Byzantine tea hi ua, hiaibang gindan amau tan kia ah beilou hi. Russia, Poland, Italy leh Mexico in leng hiai gindan hon pom uhi. Kumzabi 5na apan in tuh Mary in thilhihtheihna thupitak nei a ngaih leh a betu tampi omta a theih ahi. “Gal Pathian a ngaih ahih man in, Amahnu min suang a galsatna tampi om hi” chih Jessy Pagliaroli, Centre for Study of Religion at University of Toronto in ana gen hi.
 
Tunai deuh in, Da Vinci Code  gelhtu Dan Brown in Mary Magdalene pen miteng houlimna leh mukphunna suaksak mahleh, Mary Khrist Nu ahihleh, Christian gindan ah Numei teng laka tawisang pen ana hi.  Mary, glimpses of the Mother of Jesus Laibu gelhtu, Beverley Roberts Gaventa in “Khangthu a numei minthangte I Sut leh Mary dinmun tan teuh dek leng kuamah a omkei “ chi hi.
Ahitak in, Bible ah, khutzung kuaih theih ding zah a tawm vei in ana kiloukha mahleh – huaileng lampam singsaat in – Mary tuh khutsiam, laigelhsiam leh tumging siam tampi te khutsuak in ana gen tam mahmah; Franz Schubert bawl Ave Maria leng hiai minu tungtang mah ahi.
 
Japan apan Kerala apan, Venezuela apan bang leitung zapi tuansuak in maktaduai a simte Marine Shrine ah kisutuah muainuai sek uhi. Kum 2000 sung ving veng bang laibu sutna innte’n avangkim in Mary tungtang laibu hon suthsek bangun, newsmagazine leh newspaper minthang mahmah te’n leng minu tungtang hon tuangsak jeljel uhi. Catholic saptuam kekzakna ziak tampi lakah amahnu leng a ziak khat in telkha a, huchiin kumzabi 16na pek in Protestantism hong piangkhia a, Muslim gindan ah leng minu min lohkhak in om hi. “Koran tang khat in Mary pen Numei zahtakhuai mahmahte lak a khat in simtel hi”  chi in Jane Mc Auliffe, Centre for Muslim-Christian understanding, Georgetown University Washington a senior fellow ana hi in gen hi. “ Mary (hiam Maryam) tuh Mohammad zi khadija leh tanu Fatima te toh ana tuang kha uhi.”
 
Kum 2000 paisa a, hiai leitung Jesu toh ana sik ua kipan mihingte lungsim ana hipmahmah, hiai Mary kichi kua ahi dia? Bangchi banga khangthu a numei tawisang pen ana hi hiam? Bangziak a alamdanna in sawtpi daih hiam ? Mary hinkhua, tomchik hichi in ana kigelh hi.  The Protoevangelium  of James, Kumzabi 2na lai a apocryphal bu in hichi in ana hong hi. Israel nam 12te khangthu ah, Jaochim mi hausa mahmah ahia…. Amah leh a zi Anna, mi upa ahita ua tabei leng ahi uh. David innkuan a piang, Jaochim suan a neihlouh jiak in, a vual lakah simmoh bawl sek ahi. Ni 40 sung anngol thum dia a paikhiak kal in , Angel in Anna ana veha, hichi in hilh hi “(Nau) Na paai dia na gai dinga, nata khovel pumpi ah (mite) gen ahi ding”.
 
Huchia, Mary hong pian in, midang sanga tuamdeuh a etkol in om hi. Anna in, naungek om nang gamgi tuam a lupna pindan sungah tuam seh sak hi. Numei-naungek pianchampha masa pen in, Jaochim in Israel a Siampu Lianpen chial in ankuang lui hi, Siampu in Mary hon vualjawl a amah(minu) suan tengteng in a pahtawi ding  hon chi hi. Protoevangelium  omma in hiai Juda minu tungtang tawmchik ana kigelh hi. Khangthu apan leh Thukhun Thak Tanchinhoih (Gospels) te apan leng chianglou hiam theihkalh theih hi. Etsakna di’n – Mary pianna genkhak hilou hi. Kuate hiam in Jerusalem mi a chi ua, kuahiamte’n Nazareth mi a chi uhi. Atapa kilhlup ahihnung, Romante ukkhum Palestine a om hia ahihkeh Asia Minor (Turkey) a m Ephesus lam nawt hia, kuama’n athei kei. “ Gospelte Jesu tungtang genna toh kisai ahia”  chi in Gaventa in gen, “Mary tungtang ahih chiang in, dawnna sang in dotna tampi hon tun thei zaw uhi. Protoevangelium in a ngim Jesu hilou in, Mary – leh Mary numei siangthou ahihna ahihjiak in a dang sang in a tuam deuh hi. Luke ah akigen kha (mary) himahleh hiai ungtang ah Gospels a lunglut kei uh” chi in Gaventa in gen, “Protoevangelium ah ahihleh Mary siangthou –pumlum ahihna imu thei. James in Hebre Laisiangthou thu lasawn in hiai nupi chiing tanchin toh nasatak in hon mekmat hi. Hiai nupi upa naupaai theilou taang in Mary numei naupang chik naupaai dia le naupanglualai toh hon bulhtuah hi”.
 
Kumthum aphak in, Jerusalem temple ah Mary koih in om a hiai mun ah Pathian nasepna in hinkhua hn pan hi.Hiai naupangnu a damsung teng nungaksiangthou dia lamet ahi. Hitamehleh, numei ngeina hon neih apan temple a omdia phallouh hong hi a, huchia tunglam apan chiamtehna om dungzui in, pagong khat, ata pichingte toh teng, Jeseph kichi amah ki-oi hetkei mahleh, azi dia la ding in theihsak ahi. Protoevangelium dungzui in ahihleh, “Ta nei hi ingh a ka upat toh, amah lah naupangchik hingal, Israel tate nuihzabuk ka suak kha ding”  chi in a tuung in Joseph in nolh hi.
 
Ahizong Joseph in a thulh theikei; Pathian deihdan toh lungkim suk a kisin zaw Huchiin, papi upa innbawltu toh teng ding in Mary kuanta hi. Joseph innbwl a kuan kal in. Angel Gabriel in Mary vehna thupitak vanei a, hichiin vagen hi, “Toupa na kiangah a om, numei teng lakah na hampha tungnung” Hiai tuh Annunciation chia theih ahi, huaituh nuemi tenglaka Pathian Tapa pianna dia telkhiak a om ahi chih Gabriel in a vehlai ahi. Mary in lemsa ngal hi. Protoevangelium in kawlhawm (cave) a Jesu a neih in Mary kum 16 ahi, chiin gelh hi, huchiin ata Kumpi Herod muhlouh di’n gan-annkuang sung ah seel chi in tawp hi.
 
Protoevangelium baan Mary genkhakhinawnlou hi. Mahleh 431AD in Jesu tungtang kinialna thupitak ziak in, Mary pen sahkhua thua houlimna ah lohmunpen hong suak hi. Huai thubuai ahihleh Jesu Pathianta hihna leh mihing hihna kop a hong piang hia, ahihkeh a pianzoh nung a atunga Pathianthu piak a m chih thu ahi.
Ephasus khua a Ecumenical Khawmpi Thumveina (The Third Ecumenical council) in a thupuk bang in Mary pen Pathian (pianna) Nu (theotokos) chih min khuksak ahi. Theotokos khiakna tak ahihleh Mary in Pathian mihing melpu in ta dia neikhia, chihna ahi. “ Hiai in Jesu tuh Pathian leng ahia mihing leng ahi chihna ahi”  chiin Pagliaroli, University of Toronto in gen hi. “hiai in Mary mi thupi (milun/celebrity) dinmun ah koih hi”.
 
Ephasus khawmpi zoh kum tamlou nung in Mary minsuang a k8ilam Roman Biakinn masapen hong ding khia hi. Huainung in Marian Shrine khat Constantinople gei a om (Sapatuam) munsiangthou a dinsuah in m hi. Hiai inn sung ngeiah nungaksiangthou Mary lukhuhna puan koih in om hi. Hiai puan ngei tuh Mary in silhsek hi in kigen a, huchiin a puan pen kumzabi tampi zahtaak ana hitou ngitnget hi.
Atung in , suahlam saptuam ten tumlamte sangin Mary pen oi/pom zotham uhi. Amah zahna in la tampi kiphuaka, Mary limgelh (icon) Kumzabi 6na apan hong kipan.Mary in hon veng ahi chih miten gingta ua, ama kiangah thum leng, Avarte’n a doulai ua Constantinople a panpih bangin hon panpih ding chi in muang uhi. Huainung Kumzabi 11na in, nasatak in Mary in tumlamgam jel hi. Europe hong masawn a, university , Biakinnte, Siampu Inn tampi dinsuah ahi. Huchiin, Kumzabi 12na tan in tuh, ama min lohna Cathedral tampi lamkhiak ahita.
 
Mary in tumlam Christian tampi lungsim a luah hang in saptuam ah huai hun in tuitum/theihphak/pom hinailou hi Medieval Catholic Saptuam heutute a chilgil lai mahmah jiak un, Mary minthanna a ngaihsak/pom nuamkei uh, mimal toh kisai a gintaakna lel hi in a koih lel uhi. Kum 1100 laiveel ding bullam in French Siampu honte heutu Siant Bernard of Clairvaux in, Nungaksiangthou Mary (ei adia) palai (gensaktu) ahia, Jesu’n mihingte tung a hehpihna apiak tengteng ama tungtawn a hon piak ahi chia thu hn tangkoupih akian thil omdan hong kikhekl ta hi. Hichibang a puankhiakna in Mary dinmun tawisang thakthak hi.
 
Mary hihna catholic khenkhatte’n a pomthei himhim kei uh, amaute pawl ngaihdan in Laisiangthou genluh tan-a Mary tawisang pen a na uah thalkiak  hi. Lungkimluhna tuamtuam –Virgin Mother toh kisai, a nawizu tungtang leng tel in - mihing phuahtawmte jiak in amaute lungsim shou bulhbulh mai hi. 1517 in, Martin Luther kichi , Augustinian siampu eh professor in khelh phalna mihaute kia’n alei zoh uh huai indulgence  zuakna toh kisai in kinialna khat hong hi, huchia laishunkhawl lamsuah ahih toh kiton in hiai pa’n ama gelh 95 Theses kichi Europe khomualpi ah thehjak hi. Mihingte ginna jiak kia a hotdam ihi chih Luther in tangkoupih hi. Palai di’n Mary chihte khong (akua dang dang hitaleh)  apoimoh kei chi in.
 
Luther in sahkhua dang phuh sawm ahikei, mahleh , a hulum khouhdaih theih ahikei, Protestantism hong piang . Alehlam ah, Catholic ten ahihleh a Madonna uh paih tuanlou uhi. 1531 in, Aztec mi amin Juan Diego Cuauhtlatoatzin, Guadalupe khua, Mexico a m kiang ah Ahampha Nungaksiangthou Mary hong kilak a huai kilakna mun a Biakinn lam di’n vaikhak hihtuak. Hiaithu hong thang in, hai gammi maktaduai tampi Catholic gindan ah pilut kichi. Latin America muntampi ah Mary pen ‘Guadalupe a (kilak) Nu’ chia theih ahia huchiin 1737 in Mexican te’n (Mary) Siampu(Siant) thupipen din bawl uhi.
Kumzabi bangzah hiam paisa akipan, Sociologist , feminists leh psychologists, te’n Mary in bangjiak a tutan daih (tullou) hiam chih Jeldim(Theory) tampi thu bawl uhi; bangteng hileh , kumzabi 3na apan Mary kilakna thiltung sangtampi gen ding om hi. Huaite a angpi in 1500 (KUM) apan tutan kikal a thiltung hideuh uhi. Canada mi sociologist Michael P. Carroll, in a gelh laibu The Cult of The Virgin Mary  ah hilhchena (Freudian explanation) pia. A gendan in, inn a pate a om mun louhna khotaang (society) ah Mary thupi ngaih na lian uang diak hi. Nu in innsung vaihawmna (etkolna) naupangte vaakna leh etkolna ah mohpua a; huchibang khoang a khangkhia mihing a ding in Virgin Mary biakna in neulai a nu akipan a lunggulh uh, a neulai uapan a nu a lunggulh na uh lungkim sak hi, chi in.
 
Mary biakna hng piandan bang zongteng himahleh, Catholic Council, Vatican-II chia kithei omma tan daltu bang mah omlou in, Mary aii (magic) paitoujel hi. Huchi in hiai council in thusuah hichibang hon bawl ua, Mary palai(gensaktu) ahihna gensia/dem hikimahleh, Mary hiam-o siampu dangte hitaleh zahtaak na in Pathian biakna a ngaihnep ding hilou chi in. “Vetican-II in Mary mihing ahih dan gen uang hi.” chi in Mary E. Hines, Emmanuel College, Boston a professor leh Whatever Happened to Mary gelhtu in gen hi. “Amasapen din , Catholic te’n Protestante gensiatna, ‘Mary Pathian bangtuk in a ngai uh’ chih poi honsa pan uhi.”  Pope John Paul II in ahihleh ‘mi honsawmna akipan Mary in hon humbit’ chi in gen ngei leuleu hi.
 
 





Add comment to this page:
Your Name:
Your message:
Site Entu- Hiai zah 46535 visitors (240422 hits) on this page!
=> Do you also want a homepage for free? Then click here! <=