Athax KHOVEL EITE - Mahni kimuan ngamna
  Home
  Contact
  Guestbook
  Mary - Lamdanna
  => Class XII result
  => Class X result
  => Mahni kimuan ngamna
  => Misi khua
  => Drinking
  => A TULLOU MARY LAMDANNA
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear
MAHNI KIMUANNGAMNA
 
Mahni kimuanngamna ichih chiang in nna bang hiam semkhia, posuah diing leh thil bang hiam hihthei dia ei-le-ei kigintakna leh kimuanngamna ahi. Mohpuakna I neihte hihpiching zou ding ihi chih gingta a mahni a om hihtheihna(ability/capability) taksuah ngam dia hansanna leng I chi thei. Mimal/eimah (personal) toh kisai thil ahia, midang hon paik thoh hilou in, eisung mahmah a hong piangkhia /suakkhia hihna (quality_ khat ahi. Mahni kimuanna neih thilpoimoh leh thupi khat ahi. Mi teng neih ahihlouh banah anei ding hiaite ahi chia sehtuam ahi tuankei hi. Anei thei dia kichilsiamte neihahia, kuhkhalna toh panga kisinna neite leh kithununzoute’n tangzou ding uhi.
 
v     POIMOHNA ZIAK:
Bangziaka mahni-kimuanna poimoh ahi dia? Kimuangtak a thilhih leh kimuanglah deuh a thilhihte a gahsuah uah tong-le-laam in kikhiakna muhtheih hi. Kimuanna toh nna sep ahih chiang in a semtu in siamna tawp honsuah thei in ahihpeuhmah maam a zong lohching ut deuhse uhi. Kimuanglah te’n a siamna zah suahtheilou in launa in pumdim ua zong lohsam nuam diak uhi. Gentehna di’n- Lasak ah enta leng , kimuangngamna toh mikhat inlaa honsakkhiak liahliah chiang in entu leh ngaikhetute tai mahmah ua, asatu’n leng a siamna taktak leh aw hoih hon suah khia thei hi. Himahleh kimuanglah deuh inhon sa bang hitaleh, a ngaikhia tute adin bang hiam a sam khat om a theih ahidia, aman zong a siamna taktak suahkhelou in, a zaktatna in a siamna khuhmang ding hi. Hiai pen gentehna a igen ahia, thil bangkim ah bulh leng dik veve ding hi.  Tua ahihman in mahni-kimuanna in mihing hihtheihna(ability) a panpih a ahatsak chihna ahia, kimuanzohna omlou in mihingte’n I siamnazah hihtheihzah kisuahkhia thei taktaklou chihna leng ahi. Huaiziakin kimuanna hi lohchinna dia poimoh ahi ichi thei ding.
Hattak leh hangtak in omin, na paina peuhmah na gam ahi zel ding anan chi hi. Hiai ah hangsanna kiuanggen hi. Hiai a hansanna kigen leh mahni-kimuanna a kineh mahmah ziakin zat-helh/zahtuah theih ding ahi. Josua kiangah hat leh hangsan ahihna kiginglah lou ding leh a hatna zahzah a hangsantak a douzel dia hilh in om hi. Huchia a gamlian semsem ding leh a galte zou ziah ziah ding ahih dan imu hi.
Ei Tuailai te’n leng I theihna leh hihtheihna te tutpih maimah hun ahikei. I hihtheihna zahzah a kimuangngam a kipat hun ahita. Toupan tuailai hatlai ihihna hon zang nuam a, Amah adia hon sek nuam ahihdan thei ni.Tuhun a kimuanglah ihih leh Nu-le-pa hih hun in leng kimuanglah in I om den ding. Tuhun a Toupa adia kizat ingam kei leh hun hongtung ding te ah kingam tuan ding ihi diam? I hatlai in a sanglam en in, thil houchikchik te a lungkim mailou in, kalsangzawte suan in leh asangzaw lam delhin Pathian gamnna ah, leitung khosakna ah hitaleh kimuangtak a hihzou ding ka hi chih na toh kipat khiak hun ahi hi.
 
v     NGAHTHEIH DAN:
Kimuangngamna pen tutmaimah a ngahtheih thil hilou hi. Sapte;n ‘No pain no gain’ anan chih bang un, thasenna omlou in mawkngah sawm kei ni. Ngahtheihna lampi omte hiaite ahi:-
 
Ø      Kipatkhiakna(initiative): Thil hihdia kipankhia ngam pahpah te’n kimuangngamna neipah uhi. Thil a bul pat ahihma teng na hihtheih zenpi ding leng hihzoulou dia kingaihsutna om thei hi. Non kipat khiak taktak chiang in enuchik non theih akipan nangah kimuanna hong piang dia tamsem hihzou di’n kimuanna hong guan sawnsawn ding hi.
Ø      Theih/Sep tamseem:   Theihna neuchik bek omlou in kimuanna om theilou hi. Neuchik I hontheih chiang in kimuanna enuchik om a hiai enuchik ziak in aban theihnop hong piang in tamsem kisina kisem hi. I theih tamsem leh septamsem chiang in eiah kimuanngamna hong khang in hong lian semsem hi
Ø      A hoihlam ngaihsut/kipiakna(attitude):      I tung a thil hong tungte etdan chinih in kienthei, tuate (1) a hoihlam (optimistic) leh (2) a selam (pessimism) . A hoihlam kipia mite’n a tung ua thil tung peuhmah kibulphuhna dingleh panlakthakna ding in zang thei uhi. Thil hong tung epuhmah dahna di’n asim kei ua, thathak lakna leh mahni kilamkhiakna din laa ua hiai in ahinkhua uh a hoihlam a pi in , amau ah kimuanna piang in milohching hong suak uhi. I tung a hong tung khempeuhj, asia-apha , tha honpiatu dia lak ngai hi. A selam kipia te;n thil hoihlou a tuah chiang un palsuah ngaplou ua, kimuanglah in a tup uh taisan kha pahpah uhi. Banah miteng nuai a kikoih in, Mi hihbang hihzoulou bang a kingaihna om ziak in lohsapna tuntu suak hi.
Ø      Nna Hoih sep:-           Lampi a mihoih kimte;n nuam asa chih bang in nna hoih semte;’n kisiamlouhtanna ding himhim neilou ahihman un lungmuang ua, kipak in ahinkhua uh nuam hi. Sia-le-pha theihna in siamhontan leh eiah kimuanzohna tamsem kinei hi. A hoihlam nnasep in mihing kimuangngamna hatsak mahmah in, kipahna leh lungkimna piaa,midangte’n leng I omdan leh nnasep hon pompih ua, huai in eiah kimuanna pungsak semsem hi. Delhlouh in guta a tai chihbanin a sia bawlte leh ngaihsunte, amau-le-amau kigingta zoulou in kuamah gintak ding neilou in dahhuaitak in hinkhua zang uhi. Huai in kimuanlahna piang sak in lohsapna gahsuah hi. Kilehbulhin ahoih semte hinkhua nuama, kimuangua, lauhding neilou in lungkimtak in hinkhua zang ua lohching naknak uhi.
Ø      Pathian khuta kikepsak:        Niteng hunzat dingte Pathian kianga latkhiak na bawl zelle I hinkhua Aman honkeem dia, khemna tampi lakah hon humbit banah honpiina ziakin nang ah kimuanna na neithei ding hi. Pathian kipiisak te’n lauh bangmah anei kei ua, sihna hial leng a laukei ua, bangziak in, amaua kimuanna omziak leh lungmuanna khovel in hon piak bang hilou a neih ziak un.
Site Entu- Hiai zah 78833 visitors (352116 hits) on this page!
This website was created for free with Own-Free-Website.com. Would you also like to have your own website?
Sign up for free