Athax KHOVEL EITE - Misi khua
  Home
  Contact
  Guestbook
  Mary - Lamdanna
  => Class XII result
  => Class X result
  => Mahni kimuan ngamna
  => Misi khua
  => Drinking
  => A TULLOU MARY LAMDANNA
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear
MISI KHUA
(Chiaugal-Pialgal –Tiaural)
Dr. T.Pumzathang
Nidanglai pipute’n , CHIAUGAL a chih chiang un luigal, huaibel mun gamlapi, mihing (sa leh sisan) a I omlai a va paiphak louhna genna a azat uh ahi. Tuni a Christrian te’n leeng SIHNA hi LUI (river) dan in I gensek uh. “sihna luigallam ah khohoih leh nuam a om” “ Sihna lui Jordan gal a ikai chiang in’ chi peuh in la in isa hi.
Huaiban ah pipute’n PIALGAL achih nawn leuleu chiang un, Chiaugal mah toh kibang misi khua genna ahi a, PIAL (thang) akikam chiang in PIALPAK, thilngou , pial kisai leh kisailouh theihna kitak ahi. Huan, pial bel mun gamla taka om hisek a, huaigal bel Pialgal-mun gamla genna ahi peuhmah hi. Huai bel piputen misikhua omna GAMLAPI hidia ana gingta sam uh hi didan ahi.)
Bangteng hileh, CHIAUGAL kichi lapau bangchibang a hong kipan a, koia om hiam , bang genna hiam. Ei Kristiante adin poimawhna nei hiam chih enzual leng I ut hi. Unau Mizo upate khenkhat leh, lehkhabu kehnkhatte apat kitheidan in tua CHIAUGAL(tuiral) bel TIAU kichi lui (river) tua Mizoram leh Burma gamgi lui ahi. Chetna Lamka Post August 13,2003, Issue front page column ah leeng Aug. 20. tan in mi 6125 val in zokhawthar a gamgi tiaului kan uh chiin Mizoram Police thusuak om chih ahi.
Unau Mizote’nm Tiau achih uh, ei Paite Pauin chiau I chihna hilel hi. Upaten (Mizo hi’n Paite hitaleh) sihnung in misikhua khat om a, huai ah I khate(Souls) pai uh ahi chih ngaihdan om in ngai uhi. Huai mun bangchibang mun ahi a, bang chibang a va lut ua, bang chibang a va om uhiam chih tamlou genzual leng .
Nidanglai pipute’n, huai misikhua bel tua Tiaului gal a om ahi a, amin ‘RIHLIPUI’, Paite pau in ‘LIHPI or ‘LIHDIL’ chi uhi. (hiai Lihdil apan in HANSHIP hausate Zampi( Nuaisuk-zamkang leh dakbu te ava lak uh ahi a chi uh.) Hiai Dilpi (Rihlipui) bel Burma gamsung a om ahi a, hileleng huaimun (huai misikhua) tunna din Tiaului kan (cross) ngeingei ngai ahi chih pipute ngaihdan ahi. (Israel tate Cannaan gam aluutna ding un Jordan lui a kaan uh ngai hi). Huaiziak tak ahi ding e, laphuaktute;n, “ chiaugal ah dawnbang kituakni”  chihpeuh “chiaugal gamnuam tuang ka tun chiang in”  chihbang , “..Tua Chiaugal khopi nuam,” chihte ana phuak uhi. Hileleeng, ei Chiaugal bel, tua Rihlipui-Lihpi-Dilpi ahi chihna hilou in, I pipute’n alungsim mitkha ua, a it, angaihte uh omna hi a ngai a, ana kah pihpih uh, eite’n leeng I it leh ngaih hon Na paisantaten van a hon na ngak uh hi a ingaih toh thil kibang ahi (tehpihna ahi).
Pipute ngaihdan in misikhua bel hiai Dilpi(lake) “Rihluipi” kiang a phaizang liantak leh nuamtak ( a dil mahleng hikhawm in the) ZINGVONZAWL kichi suangpek lianpi kiphah ziahzuah, huai a suangpekte ARANG, Paite pau in akang/angou or Gial houh I chi diam ahi uh. Mizo pau in PIALRANG, huai bel khenkhatte’n Dohkan (table ) bangdeuh a kidoh kang sangtuam deuh hidan in gen uhi. Hiai pialrang tung ah “Khut a lamlouh khopi thupi leh nuamtak, Pathian (khuanu tua I Pathian –God Jehovah bel hikholkenteh) in a bawl “ om hi’n ngai uhi. Hiai khopi bel mithupi, THANSUAHZOU, SAIZO leh TONGZOU deuhte leh misite khate mahleeng kai uh hiin ngai uhi. Huaibel, RALKAI (GALKAI) peuh kichi a, abultak in bel PIALRANGKAI hi a, hileleng hun hong sawtsawt chiang in RANGKAI leng hilou in RALKAI chih in tunitan in tamzawte’n zangta uhi. Eipau in Galkai hilel hi. Adiktak in PIALRANG tuh pialral, Pialrangkai tuh PIALGALKAI huaimah tuh RALKAI – Galkai tuni a kichi hilel zaw hi.
Huai misikhua – Rihlipui (lihdil)  Zingvonzawl zotna lampi :-  Pipute’n mi asih chiang un hiai misikhua zuan in hong pai ua, alampi uah hiai TIAULUI kan uh ngai hi. (Hiai kaanlou in misikhua tuntheih hetlouh hi). Hiai lui akaan khit chiang un-Hringlang Tlang kichi (ahinglaite a kigalmuh theihna tang) khat om anhuai apat in a nutsiat uh a it leh ngaihte uh khelah in hon galdot ua, ngai in kap zoihzoih uh chi uhi. Hileleng maban sawn a paizellouh theih hilou in paizel uhi . Apaizel na uah, HOIHLOUPAR (kiheikiklouhna paak ) kichi na om a, huai pak hon khiak ua(lou ua) huai apat in bel nunglam ngainawn lou in malam ( misikhua lam) lungmuangtak in zuan theita uh chi uhi. Huaiziak tak in laphuaktute’;n “ Aw huaimun a omsaten zaw akhensate uh ngaih louhna, damnan van muantui adawn ua, lou uh kipahna heisa paak”  ana chi uhi. Huaibel pipute’n Rihphaizang ah tui limtak (Lunglotui ) kichi dawn ua, hoiloupaak lou uh hiin ngai uhi. Huchi in misikhua ah nuamtak in omta uh, chin ngaihtuah uhi.
Tuni a Kristian I hihnung aleeng I lapaute ah sihna(si) genna in ‘Rihsangkai’ “Rihsang mualliam” “Rihlipui khi thlafam lengkai na” “Thlarau thla hnamtin reng an bualna” chihte kizang lailai hi (Igenna mun , I lamet leh kingakna mun bel kibanglou). Hiai Rihlipui (Dilpi/Lihdil/lihpi) hong kipatna dan leh misikhua hi a akingaihna ziak hiai bang ahi:- Nidanglai in unau numei nih om ua, a upa zaw pen min RIH ahi. A Pa’n zi dang nei a, a zi thuzoh in unaute bawl gentheisek hi. Nikhat tuh anaupang zaw kiang ah, Bawi aw, tuni mehzong in va kuanni, chi’n kuankhiakpih hi./ Apa hong tung a, atanu bel hong tungngei talou hi. A u RIH lunghimoh in anau sidia muangmoh in gamlak ah zong ding in hong kuanta hi. Anau sisa in hon muta ngei a , angawng kitansa, anawi ki-atphel, alu kipaimang. Huchi in anau a itna toh , apa;n amah leeng athah ding alauhna toh, gamlak ah asun-azan in anau luang kiang ah tu in kapkap mai hi.
Huchi a hun sawttak hong om nung in Dawi Nupi (Lasi) khat in hong tuak a, thil omdan adot nung in leh atheihnung in hehpih mahmah a panpih sawmta hi. Dawi nupi in RIH kiang ah pam a gamnuai ah singkhat anah khat kia nei a om dia , va lou inla , anah na khut in nuaizan dimdem inla, na nau lung alu apat akhe tan zutsuak vek lechin ahong damkik ding” achita hi. Huaiphet in Rih in leng achih bang in va hihta a, anau ahong hing nawn ngei hi . Ahong hinnawn tak in adangtak mahmah a, sithei ding khop intuiduh hi. Huaitak in Rih in anau kiang ah Bawi aw, hiai singnah thil hihtheina zang in tuilipi in k’ong vung dia, non dawn dia , non paisan hetkei ding, chiin Tuilipi in hong vung a, huai tuh Rihlipui kichi hi. Huai bel nidanglai aten, misikhua hin ana ngai ua, tuni;n eiten bel dawite munpi hin ithei uhi.
Hiai thu iva genna zenzen bel, pipute;’n leeng tua ei Pathian (God-Jehovah) ana theikei le uleng Pathian – Superpower khat bel om ahi chih na gingta tei uhi. Hiuai banah , pumpi sihna pen atawpna hilou in, Sihnung in leeng Khovel Thak khat hinna thak khat om ahi chih  bel na gingta veve uhi. Huaiziakin uinou-aknou sih a si mailou a, khovel thak-hinna thak a luttei na sawm tinten sam uhi. Hichibang ngaihdan nei uhi:-
Misikhua in Lalnu (Sahnu) nei a, huai in Misikhua kongpi ngaak chi uhi. Mi I sih chiang in I kha misi khua ah va paia, huai a Lalnu’n kong ana honsak na di’n sasin (liver) tawingai chi uhi. Huaiziak in, mi asih chiang un Kosah chi ua, gante gou in asin (liver) themkhat akhut taklam ah tawisak uhi. Huaibel Sasintawi chi uhi. Huai in misikhua Lalnu bia ua, kong na honsak in misikhua ah lutthei hin ngai uhi.
Tuabang deuh in, tuini’n eiten leeng Vangam lut theihna di;n Jesu Krist sisan ngai a, huai a kisawpsiang loute vanggam lut theilou I chi uhi. Huai vangam kongkhak bel Calvary a Toupa Jesu’n hon na honsak ahi.
Tuni a Laa(Laapau) a ina saksakte, bulpi leh kingakna nei ngen ahi a, atup leh lamet (destination) bel akibang kei chihthu hilel zaw hi. Huaiziak in, alaa ahihleh lapau (Peotical) dan mah a isak leh agen leh I lungsung a na asep dan (impact) thuuk in hon vutzaw hi. Huaiziak in, laa ahihleh lapau mah in gelh in sa leng, kholakpau/pau vantang khat pepeuh lemkhawm zok a solfa va bulh zok mawk pen laa in a tup hilou hi- Meh allou, maltameh thaklou mahbang hi.
 




Comments on this page:
Comment posted by Katie, 11/11/2013 at 4:53pm (UTC):
Website visitors do not come easy these days. It's hard and it usually takes a long time. In many cases, too much time. So much that you might be ready to give up. One of my readers shared a web traffic service with me on my site and I thought I would share it with you. I was skeptical at first but I tried the free trial period and it turns out they are able to get hundreds of visitors to my website every day. My advertising revenue has increased tenfold. Check them out here: http://gmbal.com/1011c

Comment posted by canada goose snow mantra parka canada goose facts, 12/14/2013 at 4:25am (UTC):
I don't know what world you live in but intact males of many breeds will fight and fight to the death. I have worked professionally with dogs for 40 yrs and with many breeds, primarily with terrier breeds and you don't put two intact males together. Not only will the dogs injure each other, but children not understanding the danger can also be injured by getting involved trying to separate them.
canada goose snow mantra parka canada goose facts http://www.blueovaltruckparts.com/myspace/goosejacets.asp?item=50

Comment posted by nuhgscclery, 08/29/2017 at 9:42pm (UTC):
payday loans definition <a href="http://cashadvances2017.com"> payday loan</a> <a href="http://cashadvances2017.com"> online payday loans</a> <a href=http://cashadvances2017.com>payday loans mn</a> first payday loans

Comment posted by nekyepclery, 09/11/2017 at 11:52pm (UTC):
fast payday loans <a href="http://paydayloans2017.com"> online payday loan</a> <a href="http://paydayloans2017.com"> payday loans</a> <a href=http://paydayloans2017.com>payday loans direct lender</a> fast payday loans

Comment posted by GuestThare, 12/31/2017 at 9:22am (UTC):
guest test post
<a href=" http://kioppoerk.com/ ">bbcode</a>
<a href="http://kioppoerk.com/">html</a>
http://kioppoerk.com/ simple



Add comment to this page:
Your Name:
Your message:
Site Entu- Hiai zah 49421 visitors (260615 hits) on this page!
=> Do you also want a homepage for free? Then click here! <=