KHOTA HINKHUA
“Nim dildial mual leh guam, Ngeishok pak silsial
Tuinak pan ging sialsial damtui luang” – Lengtong Band
Khovel dang om ding in leng ngaihtuahna ka nei kei, sa bang tatna leh ngabang lenna lunta vangkhua hilou zong, Tulnah hing dipdip, sang chih leh va chih ham chiau-chiau na , lummei ngou te’n kawlmong teng lunglen huai tak in jam jiljial ua, tulvum dum diidiai ten a kim vel in kulh bang in um kual vek ua , a tung lam apan vansin dumdiidiai in bel bang in sit suk na mun, huai mimbang ka pianna leh kilbang a ka khanna huai zolei kaansang a khota, Bethlehem bang a om dindeen a etlawm dan lei in lel chimlou hi. Tulai khovel ten a kilawmna phawk himaizen le uh a limlak screen saver, wallpapers, poster leh adg.adg. a bawl in khovel killi ah theh suak ta di un gingta ingh, Discovery , Aniomal Planet , National Geographic channel te bang ah khah mun pen in leng pang kha moh ken teh.
Phalvak bu-al hong khuangkhit, nisim in a sung ateng, lungtuak, khua-le-tuite a din hun thak kipan hazel dan ahi. . Nupi-papi zalmang mu a ihmu kimlai kizia ngiaingiai kawm in, jalkhuntung pan hong thou khia in, tapkuang a suangthu-thuk thum kikal ah mei hon toh khu lingling ua vangkhua a sauliim chih tungpan meikhu hong jamtou liailiai hi. Nupi leh nungakte;n sumtawng ah sungnek din buh-hum hong kisuk huan dupduup mai uh zaw a gin chauh zak inleng Olympic a Dangkapi ngahthei ding tam himahe, chih theih chiang ngal ahi. Lenkawl ah kawlni EEng shingsheng in hong kiheek khia ngiaingiai vaidawn nuam in vaqchih in zing pha chibai chi hile uh kilawmtak in ham chiauchiau ua, huih khua ah hon-lenn duamduam uhi.
Naupangte lah mit ek nuai liailiai kawm a hong thoupah lingling konglai ah kimawl ding hiam, kuate uinou , aknou bongnou , kelnou, voknou suakthak ending in diang khia souh souh in phulun phuul mahbang in kholai teng ah phul lilit uhi. Nungaknou biangzau hun velte lah tuitawi in luilam manoh leh in zuan khuai vaitung bang mai in lun lutlut chih ding ahimai. Annek hong hun a , inteknun Singkuangpi a thukkhiak ahihma in, vaikuan dingte anntun tuna nei masa a, nahtang teh hing a hoihtak a tunlom in tuisheng sungah guang nawn hi.
Ann nek khit tulai dan hileh dak 6:30 am lakvek in tualpuan keknimnim a nitluat ziak leh luitak ziak a gial bilbial zezen khawng a kithuam in, a honhon in louzau lam manawt in kalsuanna nei dandan chiat uhi. Pitek putek , khanglai tan in nnasem thei siahsiah , a kisit om hetlou in lou lampi zuihkhawmna procession hon nei naihnaih ua, numeiten sheng pua in , pasalten kawljal kuah in leh a neaten liangkou ah kawlchiang baat hauhau in kizui dapdap mah uhi. . A nuam tel , a houlimna te ulah immguk chih omseselou a lungsim a suak bangbang kam a hong pawt ziahziah himai, lungism guk eni cheichai chih leh enghou heihai chih bang omvetlou hi. Valnou tha-thak deuh khenkhat lah lamtawn a laasa a kikou zou chihbang om . Mahni utdan chiatin houlim lah beilou , lasa lah beilou , kikou lah beilou nopsak dan bang chiat a Zaleen tak leh kuamah vaihawm khum batlouh zodawn huihkhi hiai bang khong ahi. Zalen gam hiai bang, khopi ah omkei ding. Hiai Zalenna omziak mahy hi buang in the a nopna leh khiaklah huaina – Zogam nuam, Zo Shiktui , Zo-tullim, chih khawng I thansak . Hiai vaikuan a lou lam a delh zungzung hunlai uh, vaihampi kichi a, vaihampi zoh vai kap hun dak 8:30- 9:00 kikal khong Vaihamsaan lai chi uhi.
Hiai vaihamsaan lai in khosung a pitek leh putek , naungek lah naupangte kia om uh ahih man in daizikzekh loudeuh ahimai, hiai hun vel in Akpi tuilai bang kaak-ham (kak-kak-kak….) nuam viau a theih ahi. Akpi in Ki-ki-ngikngik … chia akhuan al-al leh tuh kua nungak ahi deh aw ngekngekh vom dek chi in patau leh lam zel uhi. Hiai hun khawng in a teklam te mi inkatau khong a kikhawl in, nilum awi lah hikawm houlim tiptip thei uhi. Pitek te;n buk tep khu liahliah leh putek te;n zabel tep kawm in, a lungleng deuh te;n sannem la bang awi in amau adin hun awng thawl leh hunpaisa shut hun ahimai. Tha-it deuh khenkhat in nisa nuai ah puanpi ding, pattot ding, khautui ding leh puantuamtuam a bawl ding in pat hek in , helhhot pei ging nguatnguat uhi. Khanglui quiz khat ‘ a kam a nene, a dek a pawtpawt bang ?- Helhhot chih a dawnna himai.Lou kuante lah shun-ann nek hun mateng maban ah boktiptep ua nisa in vuahzu taleh maban taisan lou in sem thek uhi. Sun ann nek hun in bukzawl ah anntun um pilpial ua, mehzil hilou in nek pepeuh gawlhawm sung ah tum zungzung maid an ahi. Hiai hunmah in inn lam ah , JB School a ten Sho-re-oo Sho-re-aa Rasha-ri, Rasha-ree …… chia naupang te kikou aw in Oijapa khim ngiai ngiai ahi dia, Oijapa lushu ngiau-ngiau phet hi- Sun nisatlai ahihtoh . Tulai a Group-A officer leh milian tuamtuam I neihte a tmzaw Sho-re-oo a ana kipan ahih uh ginlah huai kei, ahina a, tulaia A-for apple a kipan tampi in kiphazou lou hi. Ziak dia gintakte bel kuhkalna taksap ziak hipi pen ding in gintakhuai.
Sikul top innlam khuzen a delh in naupangten sun=ann chi in anbel luh pah ua, huai nekhin numeiten tuitawi in pasal ten singlu-khuah-kham sat din tempwng tawi in gamnuai manoh nainai uhi. Aneute I nanun leh thankik in hon chilphih in kikhangtheilou chiin , a neuter masa sak teitei uhi.
I tungsunni lenkil hong kiat chiangin, naupangte – amei apa in vaikuante dawn ding in , khomuallam miksi annzong bang in zuan loihloih ua, amau nu-le—pa chiat in nek ding bangh hon puak de aw.. chih ngaihtuahna neikawm in, ahihkeh tengte hon puak de aw, Zouzam , chih bang –kilametna sang mahmah . Vaimasate toh a kituah chiang bang un- ‘na pate n tawlnou hon puak uh kinoh in’ chihbang in khemsek uhi. Hong kituk chiang in lungsim kipahna lian tak toh ‘nu bang nong puak’ ‘pa bang non puak chi in dong masapen sek uhi. Vanlom neunounou te dawn in inlam zuan in dianthoh valhvalh zezen uhi. Muikhua zing kuan , sungnek buhsih nekzoh bel akua-akua a ding in hun awl leh thoveng, nuamlenn hun ahita, naupangte'n sun a kaihkhawmsa nin tomh hal in - meisem ua, buhtuh lai bang ahihleh thezol toh thuah uhi. Thezol la ahih leh . The aw hong hong , A neuneu in chinkhuang haibang ana ngak henla, Alian lian aw hong hong..’ - Hiai la mauphel nih sattuah in kisa hi. Tangval honte’n chingtang zut heuhheuh kawm in in latualleng leh zawlla te sa in a hon in Mawltual nawl khongah ding depdap uhi . Hiai ahi hun nuam awl len hun, lengla paihun matan tangvalte;n nungak hel in, Naupangte;n tangthu gen in tuithei chiat uhi.
Singlam tuilam ah ton dialdial in miksi bang in kizui dandan sek ua, lmpi enutoh miksi lampai mah bang ua, nek leh taak ah anteh, haaigah, , sa leh ngasa a kihuan bang bang gilmul vang phual mah in kine piikpeek hi. Muinam leh akhum a al deuh tuahkhak ni in, hin man om, sa mahmah kawm in tutheilou phial a puak in ne uhi.
A hausa deuh ten gouthil bang a angiah uh , huang vulh ganta genlouh in, Bakbu (doldeng) , Jampi, kawlchiiang, Namsau , teipi, Phaw etc. Numei van – Khisan, khibah , khipii, Nahum, Haak , Puandum leh puan chituamtuamte. , vaphual Mul, kelmut diahsan, chihte ahi mai.Amau adia party thupepen – sagohna ,leh zukholhna khong ahi mai Kham leh naizen a ne in chiak nenua ua hiai hun inbel kina kitawng kilai om kha pahpah . Zunekna khong ah leh tonna khong h alim mahmah chiang un- Zan sawt khuallou in ‘Tai khua a val nop leh val hen, Buu-al akhuan nop leh khuang hen’ chi in am thei mahmah uhi.
Titles under
KHOTA HINKHUA
