Athax KHOVEL EITE - Tualte Nam Mah Hi Hang
  Home
  Contact
  Guestbook
  Mary - Lamdanna
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  => Golden Triangle
  => Mautaam Zusa
  => Japan Galpi leh Zolei
  => Japan Galpi leh Zolei-II
  => Vuite, Vuite Ham leh Vuite Hausate
  => Tualte Nam Mah Hi Hang
  => BUH Al
  => HAAI BANG NGAKLAH
  => TUTE vualzawlna la
  => Sa Zolh Laa
  => Loupa Minte
  => Loupa Min khenkhat
  => Patt (cotton) toh kisai
  => Achihdaan Tuamtuam
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear
 
TUALTE
(Site Admin)
Bang I genta dia leh, huchia pawlkhat te’n kei Appollo pawlka hi, kei Paul pawlka hi kichihna zaw hun sawttak apan ana om him ahia, ei patkhiak leh chin thak  hi zenzen lou ahi. Khovel paidan leh mihing omdan ngeina bang in ngaihsun in pawm phot himhim le. Himahleh, Paul in hiai bang kikhen leh pawl tuam saatna te a theikim zoulou deuh leh sap zekna neite thilhih bang dan in ana gen hi. Aziak ahihleh – amahmah in Paula pawl, Apollo pawl hih in metna leh hamphatna leh genbangmah neilou ahihdan a hilhchian sethseth hi.
 
Tuateng dungsun in kei Chin pawl, Kuki pawl, Mizo pawl, Hmar pawl, Zomi pawl, Sinlung pawl, Manmasi pawl, CIPC pawl kichih tuamna te’n nampi bawlna ding in gen neilou hi. Kia hilou in, khanmohbawk hon tuntulel ding a muanmoh hizomah hi. Apollo khazapna nuai a pianthakna ana ngah te’n Apollo nungzui mah uheh dankalh ahikei, Paul khazapna nuai a pianthakna ana ngah te’n leng Paul nungmah zui uheh a dan ding him ahi, himahleh leh Khrist a ahihlam uh chianzaw in huaipen mah suan in neizaw hen. Paul pawl leh Apollo pawl sia hizenzenlou a, himahleh a suanding uh Khrist sang a lamhilh tu min pen suanzawk khelna ahi chidan lel ahi.
 
Huai ahih nung Kuki kichi pawl leng om dingmah ahi, Paite a kiminloh pawl leng om ding mah hi, Hmar kichipawl leng om ding mah hi, thil hoihlou ahikei – Nampi khat ihihdan I chian mahtak leh. Atom kichi hun sawttak apan thil neupen a kichiamteh ah leng a neu mah mah hang in, chikhat kia in a bukim kei a thil chithum- huaite Protons, Neutrons leh Electrons, kigawmkhawm in stable  Atom omsak theipan hilou hiam? Neu buang mahleh chikhat sakhat kia suan na hilou dan hihtuak. India nampi sungah, Punjabi, Marathi, Gujarati, Manipuri, Bengali, Oriya, Tamil, leh adg.  adg. om a huaite a alompi a genkhawm ahih chiang in Indian (as a nation) piang pan chauh hi.
 
Ei ki pawl khawmna min pen midangte tung a phutluih mawk thil paidan ding banglou a ngaih theihna chiang om hi, chihdan ahi. Huaisangin, Nampi khat ihihdan leh unau ihih dante uanggen leh huailam a pianthak poimoh leh aloutheilou hiphot ding hi.
 
Tuabang deuh in eipawl TUALTE ngen ihi tualte ihihdan a chiang hi, bangziak in, I pipu te tualgal sat ngen ahih uh chiang a, hiaibang thudik nialvual louh ahi chet. Tualgal ana sat ziak un tualmi ihi chibel ihi pah kei a, a san bel tual gal a satma thamua TUALTE/ TUALMI hikhin tham ahih ziak un TUALGAL kichi hizaw buang lou ding hiam ? hitham e. Tua kia hilou, amau sung leh amau huzap sung –e.g. khua sung khong, genna ding in Tualsung ana chi ua, Tualte vanglai chihbang ana oma, eite’n chiam nuihna dan in I gen uh chih thu ahia hiven. Naupang khothei leh kholai pawt thei bang a hong khan chiang in Tualtaithei kichi leuleu zel hi. Amau sung a van/ thilbawl hiam bang hiam sepkhat leh bawlkhiak te Tualsuak ana chi ua, huailou lamah gamdang Kawl gam leh vaigam ate ahih leh Kawlmim, Vaimim chihbang, VaiNiliap chih bang in ana kigen hi.
 
Laimal amaua te Tuallai chihbang leng om dan agen pawl leng om hi. Kawljal(bag) chih bang leng Kawlgam pan hong suak hiding hi. Huai kawlgam pan hong suak pen local a ten amau van a hon produce chiang un Tual-kawljal (Pat-gath abawl bag) hong piang hi. Ni dang in tulai a Thanlon chih a kithei pen leng a original min TUALBUAL ahi, mit neikhempeuh in sim henla, bil neikhempeuh in zata hen….  Tualkhau/tualpuan kichi ahih taget leh lah patkhau Tuallou a kipan piang pat apan Tual vanzat ngen zang a khau kisuah pen tualkhau/tualpuan kichi hi.
 
Huai ziak in bang mi bang nam kichi in min nei tuam siausiau lehang leng, Namkhat, TUALMI/TUALTE mahzaw hilel hihang ei. Bangteng sat mahle namkhat , suankhat hi hang ei lawm. TUALMITE mah Zogam ah teng, TUALTE mah Zalengam ah teng, TUALTE mah Mizogam ah teng hilel in … nang bang na kichi dia ?
 





Add comment to this page:
Your Name:
Your message:
Site Entu- Hiai zah 50220 visitors (262392 hits) on this page!
This website was created for free with Own-Free-Website.com. Would you also like to have your own website?
Sign up for free