I pupate zu kikhol leh, ningzu aisa toh vualnuam bawl mi ahi uhi. Amau ningzu dawn toh tulai ningzu bel teh theih vual ding ahi kei bilbel. Tulai a singpi I dawn dan bang a, Zu pen, gim leh tawl, dangtak thoihna leh vualkholhna dia zu ana dawn ahi uhi ua, singpi om nailouh ziak ahi di. Singpi zata a zat uh ahi. Singpite (Tea Leave) Britishte hong thansuah ahi, huai hunma in, Singpi(te) pupate’n ana theilou maithei uh ahi.

 

Tang zunek na tuamtuamte :-

 

 Pu Zukholhna,

Tou Sagohna,

Sialkhum Sagohna,

Sa Aih gal aihna

chihte khawng leh adang dang ah ahi.

Zu nekna munah zubel phunga tepa tepthoh hun bang om mahleh, hawmthoh a hih hun bang leng om hi. Zu a kihawm ma in kuahiam mikhat in a lenk hon khia hi, a lenk khetu ding in a tangpi in (thu)sapipa hi sek tangpi hi. A lenk khiak ahih zoh in zuhawm kipan thei pan hi.

Zu pen Haai (nou /Sialki a bawl nou) in kihawm hi. Zu haai pen a neu leh a lian chih bang om tuam se a, nou neu nou lian I neih bang in, Nou liante Haaipi kichi hi. Huchiin noulian tang te Haaipi tangh kichi hi. Deihsak leh zahtak deuhte haaipi tansak ahi uh. Hoh chih omnawna, zunekna toh kisai a, nang hai tan mi dang dawndia na piak leh ‘hoh’ a kichi hi. Kihoh hi, ki deihsakna leh  nekkhiat etsakna ahi.

 

Zu dawnna Haai chithum in khentheih tangpi hi:
1.Haaipi (a lianpen)
2. Khawnsin ( a laihawl)
3. Hailawn ( a neupen)

ahi uhi.

 

Zu siim a kuante’n,  a Zu Haai tan ding uh,  ngaklah tak in ana ngak kenkan ua, a tanh khak matan uh bang hi tetet zezen in ngak lah uhi. Ei leh ei va kilak thoh theih hilou ahih man in, a hawmtu in hon phak matan kinemtaka na ngak kinken ahi uhi. A lenk khiat apan lamentak leh ngak lah takin amau tanh ding hun, leh amau tanh ding Haai,  ana ngak lah in ana kinem mahmah mai uhi. Hiai amau Zu Haai tan ding a ngaklah uh, gentehna a la in Lapau ah:

Haai bang ngaklah

 

chih hong piang hi.