Buh al chi in i late ah kisasa mawk hi. A dik a dikkei chihlam hikei mahleh bang chi-a hong piang hiam? Kikum zual le.
Bangteng hileh gilkhan(g) kichi bang hiam tau dan pian lei sukhalou a kikoih sang, kikhang ahi hi. Gilkhan leh gilphan kichi ah, common word gil ahi. Gilphan kichi leng tau, van koihna dia insung a kidoh, inn dungzawng a kivoh, a tangpi in pangkhang lam pang ah kibawl mun diak hi. Huai ziakin, gil i chih chiang in banghiam vankoih theihna,  tau hiam kidoh ahi, chile khial lawmlawm khollou ding hi.

 

Gilkhan(g) pen tual inn ah sumtawng khang lam pang ah kibawl deuh se hi. Akoi a koi ah leng bawl theih mahmah hi insak, bikhakun nuai bang, phaitam bang, singhon nung bang ah leng gilkhan (g) omthei mawk hi, tau kikhang i dohpeuh leh. Huchiin, akta in nitak teng in amau adia kidoh sang, tau hia bukhitaleh a kidoh sang sung tangh in boh in zaan giak zel uhi. Huchi ahihziskin, ak in a tau kikhang sang, huaituh gilkhan (g) boh in zan ziak zel chihna ahi. Huchi in, khangluite'n lapau a ak agen ding chiang in a khosak dan toh teh in gilkhan(g) Boh Al na chi uhi. Hiai ah al kichi ak chihna ahia; atawn in letle gilkhan boh ak chihna ahi. Boh taktak mah le hi uh. Huai ziak in Buh Al kichi hong pianna suak hi.

 

Huchi ahih nung, Buh al*chi di maw  Boh al chi zaw di. Mahni sia-le-pha theihna ah koih ni.