Atunga igen Helvei kuam ki’m-le-kiang khawng bel sikha leh dawite munpi peetmah a kigen khat ahihman in mihingte adia a hisel chiahlou mun suak hi. Hiaituh Bukpi gama om Thanlon toh gamgi lam ahia, Helvei kawlpi umtuah Bukpi khua pan 3 Km. khawng a gamla ahih chu. Kawlpi umtuah ahih dungjui in agaal lam Pherjol taang lampang khawng a ihon gal=et chiang in KULHPI thupitak banghialmah hihtuak. Huai Kawlpi laizang tak ah Tuikhuuk hoihtak tuisiang kilkel HINNATUI achih hial uh om hi chih ahi. Huai tuh dawite’n umchilhin, asun-azan in veeng tawntung hialmah hi uh. Huaiziaktak in, kuamah atui avadawn leh avadim chih leng omthei mawklou hi. Mite’n atuisiang enlah in vatawi dek jel mahle uh a kiim-le-kiang a Vot leh ganhing omte khempeuh lah sialpi, sialtal chia chia khawnga kimuthei tanghialmah a, huai te’n veng den hi uh. Huaite;n alampi tuh nadang vekjel hi uh. Huaiziak tak in kuaman atui vadim pha ngeilou hi. Vot neuchik khat nangawn sialtal chia banga muh theih hial ahihna ah ngiimkiit huai mah mah. Nidanglai deuhte;n bel  Vaang Kisong chih asakmin loh khiak ding lel leng angamlou leh zekh a angaih hial uh himawk hi. Japan galpi lai bang in Jet Fighter hong lengte khempeuh in Helvei kawlpi tuh kulhpi mah sa uh adiam’h nihvei thumvei khawng hong veel hialjel uihi chih ahi. Akehn in a gen leh tua a Fighter pilot te’n atunglam apan hon etsuk chiang un dawi nungakte akulhpi sunga galmuh phengphang jel uhi chih ahi. Fighter Pilot te gen kuan zong va zakha adiam’h .

Atunga U Song sikha muh bel tunichian kum 30 bang paita hihial napi’n tunitan in aman bel theichian mahmah lel hi. A sikha in namukha bang himaizen leh kua theihlouh khat a ki singled nek ding khat himawk uh. Huaiziak in huaibang khawng a bitna damdawi hoih pen I Zogam Chemical weapon thupitak om hi. Huaituh thildang hilo in, Jaangleeng Buktui (Tuibuk) tuh himawk hi. Sikhate’n tuibuk gim khawng namthei hetlou ahih man in. I neulai khawng a nitak pawt dekchian inute’n I lusiip ah tuibuk hon phih in, asawng atham omkei un hon chi ua, kilungmuang tuam mahmah. Hon-phih khaklouh chiang un leng aphih ding kingen hialmah hi.

Titles under
HOME

[Sinusities ]  [ Diabetes]   [ Blue Brothers ]  [ Lawi bang thanna Tuanglam ] [Pheisamte ]  [ Zomi PUPA Gindan] [Ei gam leh Shiing gam ]  [ The Holy Grail]  [ Eite Music manohna ]  [Guite Zawi ] [ Khul leh Kimin lohna ]

 
Back to  [ HOME ]    or  [ KHOTA HINKHUA ]