PHEISAM THU
PHEISAM I chihte leng dawite chii-le-kuang a simtel khat bel hi uh. Amaute bel pheipi langkhat vuak nei ahihna uah thukhat ah a kheelbai pi khat a siam himawk uhi. Huchi hibuang napain houh hatviau lai zawmah wa, phaklahna leh koi leng neihmellou hi uh. Huchi’n khe-langkhat chauh nei aa om ahih dungjui un, amin ngei uleng PHEISAM bel hipahngal. Tulai India gam daan dungjui in bel Reserved Quota pana sepna muthei ding ngen hi uh, handicapped ngenta ahihziak uh.
Pheisamte peuhmah lam apaichiang uh ache langkhat vuak utoh tawmthoh geuhgeuh lel hi uhGamla pai ding bang hileh tawmkhit hak tuak mahmah. Akehnte pheisam jawl bang omthei tham hi. Huchibangte bel apehisam mah in te’n chilh ngalmai hih tuak. Huaiziakmah in, naupang atheilou khenkhat in sunkam a sun anne ding khawng a Inn sung ua thakhata a lut khawng chiang un, a ching baan ua luai lek-lek, kivei lek-lek khawng in mukhajel lawi omtham hi. Akehn te’n lah abeemkawm khawng tai penpeng khawng amukha lawi om thei. Amaute bel Pheisam-Ai nei ichihte hi uh. Huaite’n pheisam adding chi-in, a Inn sung tawng/beemkawm khawng wa thei-gaw zu khawng peuh lupsa khawng in koih hialmah hi uh. Akhenchian lah gulnou bang a leng kilang thei jel ih, huaituh a tapkuang nuai khawng wa an bang thehjel hi uh. Mi chiingban’ khawng peuh a luai leklek thei I chih chian bel naungek chia lel khawng ahihna uh I thei chian thei hi.
Phei sam khe=khaap bel a langkhat vuak mah ahih man in, akhekaap kawidan leng akibang ngen chih na ahih chu. Avei ahih leh veikawi chiat dinga, atak ahih leh takkawi chiat lel ding hi. A lampaina aleng a vangkim a akhekhaap langkhat vuak mah tuh kizom dinden lel ding hi. Huchimah bang in sikhate leng khe nihnei hibuang napi’n ache-khaap uh alangtuak in a kawidan kibang tuak lel hi Asikha/pheisam vei-kolong ahih leh vei kawi tuak lel ding a, ataklam ahih le lah takkawi lel ding hi.
I Zogam a Tuivai leh tuipi dung a piau-neel lak khawng ah phei sam khaap bel gamvakmi te’n mukha tham jel hi uh. Kei ngei in leng ka mukha ngei hi. Huai bel naungek khap chiah let pha hi. Gamlak khawng a hichihial bang I hon muh lel leng anop chiah louh nakhat bel om them. A ziak tuh naungek khaap mah bang tiuhteuh venchin, I honmuh leh chijau huai in I hehpihtha bang suakthei mawkhi. Aziaktuh naungek neuchik kuamah keplouh, donlouh a sing nuai gammual a om chih khat suakthei ahihman in, eite banga I hon ngaihtuah leh nuam chiah lou hi. Akhaap bel naungek khekhap mah bang bang lel in, ameelpuak uleng naungek mah bang ahihman un hehpihhuai dan in ngaituah le;’ng nuam chiah lou ding mah hi. Eh ! khenten Inn sung a mei kiang bul a, vutlak khawng ah sunkam laitak khawng in pheisam khaap mukha achilawi bang leng om thei. Pian dan ah PHEISAM bel naungek chia le l pah in amel pual uleng naungek chiah chiah bang bang mai ahihman un, BUANGNAI NAUNGEK(Toys) khawng toh tehtheih leh kilawm hial hi. Huaileng Vai(Kol) vomte khawng bangding unlah a-uphuai chiah kei ven, mi-ngoute banga, vun ngou ding unleng up-huai tuanlou in,
Titles under
HOME
[ About US ]
