Athax KHOVEL EITE - The Holy Grail
  Home
  => Sinusities
  => Diabetes
  => BLUES BROTHERS
  => Lawibang thanna tuanglam
  => Pheisam te
  => Zomi Pupa Gindan Leh Khristian Hinkhua
  => VAANG KISONG
  => Ei Gam leh Shing Gam
  => Mumbai leh Mizoram tanpha ah damna deih hong zin uh
  => The Holy Grail
  => Zodawn tulliim
  => HOW DEEP IS YOUR LOVE FOR YOUR LAND?
  => EITE MUSIC MANOHNA DING...
  => GUITE ZAWI
  => KHUL LEH I KIMINLOHNA
  => Huchi Ana Hi Maw
  => TUALTE
  => Mungboi Media's Salary Calculator
  => Annual Increment Certificate
  => Annual Increment Certificate 1
  => Animation
  => Test Your Skill
  => Tual Inn - Shaoliim
  Contact
  Guestbook
  Mary - Lamdanna
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear
THE HOLY GRAIL PDF Print E-mail
By Khup Naulak    Wednesday, 04 June 2008
Jesu leh Mary Magdalene Nupa ahi uh chih thu-up
~By Khup Naulak @ MG
khup_naulak(Hiai article 2005 kum a ka gelh ahi a, gintaak ziak a gelh ahi kei. Khovel bildoh leh lungkhoih thei tak, I gindan uh tawh akikalh ziak a ka na gelh khak ahi. Documentary (National Geographic) leh laibu nih (2)leh article bangzah hiam pansan a gelh ahih ban ah, ken leng ka gingta kei. Suah dia hon ngen a omziak a ka hon suah ahi.)
Hiai thulamdang kum sangnih (2000) bang ana kiselgu, tuni tan a Catholic Church Organisation leh Khovel saptuam tuamtuam ten a kipholh khiak ding a mullit pen uh ahi. Christian sahkhua ading a chouna leh siatna tun thei thilguuk ahi. Khovel in a kilang khe mang lou a nasataka abuaipih uh thuguuk ahi. 
THE HOLY GRAIL (Toupa Jesu’n Nitakann nanungpen a nungzui te tawh a neih lai ua a uain nou zat) hong kipat khiak dan leh a tanchin tomkim:
      Hiai HOLY GRAIL kichi theihchet taktak nading in BIBLE gen masak a ngai hi. Bible ichih van a pan a hongkia hiam ahihkei leh van a pat a fax a hong kithon ahi kei a, mihing te kaihkhop a bawl ahi. Athu te Pathian hatkhum a gelh himahleh, bang laibu teng tuang ding a, bangteng telsak a leh bangteng paihkhiak a telsak louh ding chih mihing te nasep ahi. Khangthu chiamtehna laibu te a hong kipan leh tamveipi lehkhiak leh etthak na neih ahi. Jesu Khrist, khovel in a muhkhak teng lak a heutu tallang pen leh leitung a ding a etton huai pen, nungzuih taak pen ahi hi. Genkholh Khovel Hondampa ahih bang in, Kumpi te tung a ahi a, mihing nuai tampi hanthawnna apiak banah ngaihdan leh hindan tampi pankhia hi.
       Kumpi Solomon leh David khang ahih na toh kiton in Judate Kumpipa hihtheih na diktak leng nei hi. Theihsiam huai tak in atanchin khovel a Ama’ nungzui tamtak a sang a sim ten ana chiamteh ua TANCHINHOIH bu sawmgiat (80) val gelh khiak hiding a tuat ahi. Himahleh tawmchik kia (Bu li) Thukhunthak a telsak in om hi.
         Bible I theih mahbang un, gawmkhawm (compilation) na ding a mapitu leh pan ana latu Roman Kumpi Constantine ahi a, Kumpi Constantine I chih chiang in Christian hilou in Pagan Worshiper (Ni leh Kha be tu), a sih ding kuan a alupna tung a Baptisma tang pan ahi, huai leng a chauh luat man a nang zou nawnlou a tangmai hi a kigen ahi. Huai hun lai in Rome gam sahkhua ahih leh, Ni leh Kha biakna ahi a, Kumpi Constantine a Siampu Lian uh ahi. Vangtah huai tak in Rome in agam sung ah sahkhua thu toh kisai in buaina nasatak tuak a, Christian leh Pagan worshiper te kal ah, a gam nih a kikhen zou ding bang a ahong kilat chiang in Kumpi Constantine in banghiam hih poimoh a hon sa hi.
Kum AD 325 in Rome gam sahkhua khat a gawm ding in thupukna ahon la a, huai sahkhua ahih leh Christianity ahi. Aziak bel, Christian sahkhua nasatak a khangtou ahih man in ahatzaw lam belh a vaihawm ding chih angaihdan ana hi hi. Tuni tan in Historian tamtak in hiai thupukna pilhuai leh gelsiam asa mahmah ua, Pagan te symbol leh Christian Symbol khat a agawm thu leng lamdang leh pilhuai asak thu uh tuni a Symbol toh kisai a telsui te’n gen uhi. Egyptian te Pathian symbol sun disks (nisa bangbang lum vilvel a kigelh) Christian te ading in leng symbol khat ahi hi. Pathian leh misiangthou te lem a kigelh chiang a a luzawn ua lumvilvel a kigelh zel, nisa bangbang pen ahi. Huai lou in hihna kitheihna lukhu tungzum (the mitre) Bishop te silhsek te, maitam (altar), Pathian phatna la tom (doxology) leh Toupa nitak annkuang (communion) chih te Pagan sahkhua masa te apan a tangtak a kila ahi. Hiai teng banah, Mithras Christian te ma a pathian leng December 25 a piang ahi a, a sih a suang han a kivui leh nithum nung a thou nawn dan a chiamteh ana hi hi. Osiris, Adonis leh Dionysus pathian te leng December 25 a piang ahi uhi. Kumpi Constantine in hiai sahkhua tegel (Paganism leh Christianity) khat a gawm ana sawm lai a Christianity Jesu siangthou na zat a hihhat ana tup ahi. Huai hun matan in Jesu’ nungzui te’n Jesu pen a sithei /heutu/jawlnei (mortal prophet), mithupi leh heutulian mihing mah dan in ana koih uh hi. Kumpi Constantine in Jesu pen Pathian tapa, mihing hilou leh pisa-pusa, kuamah dem vuallouh ana suah hi. Constantine in Christianity mukhia I chi zenzen kei a, Jesu Khrist in mi a thuzawhna pansan in Christianity tuni a I theih bang un ana seek hi. Jesu sih khit kum zabi li nung a Jesu tanchin hong kigen in Jesu tanchin, amihihna/mihing bang leh mihing ahihna a mizia te laibu leh document sangkhat val ah ana kigelh khin hi. Huaiziak in Kumpi Constantine in BIBLE thak, Jesu mihing ahihna akigen khak louh nate leh Jesu a Pathianna lam kia kigen khak na laibu te pansan in BIBLE thak patkhiak ding thu a hon pan hi.
          Tanchinhoih masa te nawlkhin in om a, Constantine in avek a kaihkhawm a hal ding in thupia a, himahleh bangzah hiam suakta hi. The Dead Sea Scrolls kichi Bible khat mah leng kawhawm sung, Qumran a kisel gu 1950’s in muhsuah in om a, Coptic Scrolls leng 1945 in Nag Hammadi ah muhsuah in om bok hi. Hiai Bible ten Jesu mihing ahihna lampang hahgen ua, huaiziak mah in Catholic sahkhua munpi Vatican in nasatak in dal hi. Hiai laibu apat in tua kizang lel BIBLE pen Jesu’ Pathian na lampang pansan a mihing ahihna lampang leh a mihinzia te telsaklou a, amau thuneih na hihhat na ding a kibawl ahi chih muhtheih in om hi.
          Society kiselgu (secret society), the Prieure de Sion (The Priory of Zion) kichi Jerusalem ah AD 1099 in France Kumpi Godefroi de Bouillon, makaihna nuai ah Jerusalem khopi a laak zawh in patkhiak in om hi. Thuguk amau innkuan sung a ana om gige Jesu hunlai a kipan a anakep uh a mang ding lauhthawng na ziak in “the Priory of Zion” kichi tuh a hon phutkhia a, hiai society a guk a om ahih bang a hiai thuguk leng akhang akhang a (generation to generation)a guk pai touh ding chih dan ahi. Godefroi sih nung in Priory te’n thuguk poimohtak Herod Temple, Kumpi Solomon Temple kisesa tung a lam nuai a kiselgu ahi chih thei ahih man un hun bang tan vei lut in haksatna bangteng om mahleh hiai thuguk pen kepbit ding chi in kichiam na nei uhi. Christian saptuam te’n leng hiai hih manthat sawm in hahtak in bangmah in hondal zoulou ding chi kawm in pan la uhi. Hiai thilguk venbit a laakkhiak ahih theih naang in Priory of Zion te’n sepaih chikhat mihangsan kua (9) kaikhawm in “Order of the Poor Knights of Christ and the Temple of Solomon” kichi a hon phut khia uhi. Hiai sepaih te atamzaw theih dan in “Knight Templars” ahi uhi. Mi tampi’n the Knight Templars te Gamsiangthou (Holy Land) vengbit ding leh kemtu ding a kiphut khia in gingta mahle uh a diktak a hiai thilguk vengbit ding leh kembit ding a kiphut khia sepaih te ahi uhi. Hun bangtan hiam nung in hiai sepaih te khangtou in hausa chih tak in hong hausa mawk uhi. Akithei zoulou ahih leh hiai sepaih te Christian Saptuam in a daih naang ua sumtampi petmah pia hi uhia? chi a gintak thugen tamtak om uhi. Himahleh kum AD 1300 in Pope Clement V a mumang in Pathian in houpih a, hiai Knight Templars te tengteng thahvek ding, Setan bia leh thil thaanghuai tampi khoih ahi uh chi in AD 1307 October 13, Sintawpni in thuguk suah hi. Knight Templars te tampi a pung uh ahih man uh, avek un that zoukei ua, himah leh tampi man in hallum uhi.
          Kum sang nung tan in leng hiai thuguk paisawn in the Priory of Zion te society kiselgu nuai ah hing lai hi. Hiai thuguk ahi leh amin ding in Sangreal kichi a, THE HOLY GRAIL chih na ahi. Hiai Priory of Zion te ataktak hina uh ahi chih chetna ding in Paris a Bibliotheque Nationale ah record mukhia ua “Less Dossiers Secrets” kichi laibu ah Priory of Zion member tea min uh tawh a tel kum uh (akhang akhang a kikheng ahi uh) chiangtak in kigelh hi. Hiai te lak ah Leonardo da Vinci, Biotticelle, Sir Isaac Newon, Victor Hugo leh tuhun deuh a tel Artist Jean Cocteau te telkha uhi. Hiai HOLY GRAIL imdet ding chih ahih man in kuaman kuamah kiangah gen khe lou uhi. Himahleh suichetna a neih na uah, Leonardo in a milem gelh te a pan genkhiak tampi nei ahi chih musuah uhi.
Last Supper

Last Supper by Leonardo da Vinci
THE HOLY GRAIL:
          Milem minthang mahmah inn teng phial a imuh uh, “The Last Supper” kichi Leonardo da Vinci in AD 1497 a agelh apat in Holy Grail bang hi hiam chih theihtheih hi. Hiai milem ah Jesu leh a nungzuite nitakann kuang nanung um khawm uh muh theih in om a, himahleh holy grail Jesu’n a uain dawnna nou asisan omna, anungzuite kiang a ahawm chi a kigen pen muh ding in a om het kei hi. Huai nak sang in nou neu 13 a om a, alem gelhtu’n a mangngilh hilou a agelh louh mawng dan ahi hi. Hiai Holy grail ahih leh thil leh nou (chalice) hilou in mihing ana hi a, hiai mihing kua hi hiam I chih leh numei ana hi hi. Bangziak a numei ahih leh The Holy Grail kichi hiam I chih chiang in, nidang lai a numei leh pasal a gelh chiang un a symbol (etsak na a kizang thil lim) in gelh ua, pasal symbol ahih leh ‘^’ hichi dan in gelh ua, numei pen ‘v’ hichibang in kigelh hi. Hiai etsakna ahihleh numei symbol pen nou (cup) bangbang ah a, numei te naubawm toh tehkhiat na leng ahi. Tangthului in agen dan in Holy grail kichi pen nou chi mahleh hiai nou pen etsakna leh thildang taklatna ana hi hi. Nidang in numei biakna, numei pathiante biakna nasatak in Christianity hat man in ana nei ua, numei pen henna pekhetu, nau pianna, chi paitu dan a ana ngaih ziak ua ana pi bawl dan uh ahi. Hiai ngaihdan Christianity in kheng lumlet hithet hi. Evi pen Adam nakguh a kipan a siam chi a Genesis a akigelh ziak in numei te Pasal te nuai a koih in omden ta hi. Hiai Leonardo da Vince milem gelh, hoih tak a na etchet uleh Jesu taklam pang a tu pasal hilou in numei ahi chih chiang tak in kimuthei hi. Hiai numei pen kua dang hilou in Mary Magdalele ana hi a, kizuaknu chia Bible in agen pen a khangthu a sui na ua pan in Mary khangthu suilouh ahih naang a kizuaknu chi a min ana piak uh hidan in musuah uhi. Tanchin Hoih dang Bible a kigelh lou Constantine in a halgawp te lak a suakta bangzah hiam te apan in Jesu leh Mary Magdalene nupa ah uh chih muhsuah in om a, hiai thu ziak mah in Mary pen kizuaknu chia a akhangthu kisui louh nang a amin vuah uh ana hi hi. Hiai milem gelh tu The Holy Grail kembit tute lak a member ahi a, hiai milem a pan in thuguk bangzah hiam hon taklang ahi chi in gingta uhi. A milem gelh ah, Jesu leh Mary kikal na ut uleh ‘V’ bangbang in kika a, hiai in Mary pen Holy Grail ahi chih chiang sak hi. Grail I chih chiang in nou (cup) genna ahi a, nou pen uain dawnna noute a shape ‘V’ bangbang ahi ua, huai ‘V’ I chih chiang in numei symbol ahi. Huai ban ah, hoih zawsem a na et uleh ‘M’ bangbang leng na mu ding ua, huai in a etsak ahih leh Mary Magdalene ahi.
          Jesu leh Mary Magdalene nupa ahih thu uh, Tanchinhoih tampi Bible a telsak louh te ah muhtheih in om hi. The Gnostic Gospels, the Dead Sea Scroll leh Coptic Scroll te tuanna Bible mah ah muntampu ah ki gelh hi. Hiaiziak mah ahi, tua Bible kizang pen kibawl lai a Constantine in hiai te ana tesak louh, ana tel sak bang hitaleh, Christianity nasatak in puk ding hi. Jesu pen siangthou hilou ding a, mihing mah, zi leh suan nei suak ding ahih man in. Christianity hatkei leh ama thunieh na leng hatlou dia, Rome gam nih a kekzaak ding chih a theih man a ana telsal louh mah ahi chih a chiang hi. Tanchinhoih Philip gelh (the Dead Sea Scroll) ahi hichiin kigelh hi.
          And the companion of the Saviour is Mary Magdalene. Christ loved her more than all the disciples and used to kiss her often on her mouth. The rest of the disciples were offended by it and they said to him, ‘Why do you love her more than all of us?’
          (Huan, Hondampa lawm tuh Mary Magdalene ahi. Khrist in nungzui dang teng sang in a iit zaw a, amuk ah a tawp zel hi. Nungzui dang te a lung uh ahi kei ua, ‘Bangziak a amah koute sang a iit zaw na hi hiam?’ chiin a dong uhi.)
          Hiai a lawm kichi (companion) Aramaic scholar ten huai hunlai a hiai kammal pen ‘zi’ chihna ahi chi’n let uhi. A suizom zel na ua pan in Mary kizuak hilou in Benjamin suan ahi a, kumpi nam/chi ana hi a, Jesu tawh Mary kitenna in Kumpi gui nih, David leh Benjamin gawm ding ahi chih a theih man un leh Mary khangthu a kisuizui louh naang in kizuaknu  chi a ana minvuah dan uh ahi chih mukhia uhi. Khangthusui na a kiselgu masa pen a suak hi. Hiai kia hilou in Jesu cross a kilhden a aom lai in Mary Magdalene in nau apai a, Jesu thohkik nawn nung in, Joseph Arimathea khua apan panpih na in Mary long in France gam Gaul kichi mun ah a guk in abit naang in sawl mang in a om a, huai a Juda nam omte lak a om in tanu Sarah nei hi. Tulel a France gam a Merovingian namte Jesu leh Mary Magdalene suante ahi uhi.
          The Holy Grail, Jesu nou zat, a sisan omna, kichi pen Mary, Jesu sisan omna ana hi a, Jesu leh Mary Magdalene suante khangthu leh ‘The Q Document’ kichi, Jesu’n ama’ khut mahmah a agelh dia gintaak leng huai Holy Grail document Priory of Zion te thilselguk a tel hidia gintak ahi.
Hiai teng banah, Jesu nithum nung a athoh nawn a, akilaak masak na pen, a innkuan teng damlai mah le uh, Mary Magdalene kiang ahi. Huai hun in Mary in a pom leh, Jesu’n ‘hong kiluai nawn ken’ (‘stop clinging to me’ ref: New Scofield Reference Edition, John 20:17 ref. section) chi’n a kham hi. Hiai tungtang leng lemgelh siam tampi te’n gelh ua genkai mahmah hi. Huai hunlai a kipom pen numei leh pasal kal ah nupa ahih kei ua leh siang lou hi a ngaih ahi.
Bangteng hileh hichibang teng thu kum 2000 vel ana omkhin, a guk a khovel a Khrist Saptuam suling leh a kilang loua kibuaipih thu ahi. Dead Sea Scrolls leh Coptic Scrolls hong kimuhsuah apan in leh The Dossier Secrets kichi a hong kipholh khiak a pan in akilang zawdeuh in khovel in buaipih hi. The Holy Grail, Sangreal Quest kichi nidang pek, kum 2000 bang paita a na kipan ahi a, ngaihdan tuamtuam tuunthuguk ahi. Leonardo da Vince, the Priory of Zion a Grand Master (AD 1510 – AD 1519) in a lem gelh ‘The Last Supper’ ah thukhah guk (secret information) te leh Tanchinhoih bu kimusuah te ziak a hong kipankhia ahi.
Holy Grail kichi hiai teng apan, nou (cup), Jesu sisan omna (Mary Magdalene, Jesu sisan paitu) leh hiaiteng chetna lai poimoh leh adang tampi hidia gintaak ahi.
Source :        1) The Da Vinci Code
                   2) Sangreal
                   3) National Geographic Documentary on Unlocking the Da Vinci    
©zogam.com
 

Titles under
HOME
 
Back to  [ HOME ]    or  [ KHOTA HINKHUA ]

[ About US ]





Comments on this page:
Comment posted by le mahjong gratuit, 03/18/2012 at 10:12pm (UTC):
Oh! Wow its truly a comical and jockey YouTube video posted at this point. thanks for sharing it.



Add comment to this page:
Your Name:
Your message:
Site Entu- Hiai zah 46535 visitors (240378 hits) on this page!
=> Do you also want a homepage for free? Then click here! <=