Tulai in Mataam in Zolei zeel in lummei bang in mautaam hu in hon zial tou lel hi. Mautaam pen 2007 a kipan chih dan in chiamteh theih dia abei hun taktak ding ahihleh tuapan kum 5 i.e. 2013A.D. tan khong daih dia gintak ahi. Mautaam toh kiton in zolei ah maute paak in, huai hong pak zoh chiang in hong gah seuh souh uha, huai teng hong om khit chiang in mau-le-gua teng hong kung-keu in hong sigam uh hi. Mau leh guate a mual amual in keu sepsuap geuh uhi.

 

Hiai mau te keudia hong kisa hong gah chiang un gan hing te lak a I tenkhawm pih lah I huat mahmah khat huaituh zusa hong kipan a, amau mau gam hon nek chiang un suan a khak theih na uh nasatak a khansak in om a ta tampipi nei in Zusa population hon pung mahmah hi. Hiai zusa population hong pung leh kial chiangkot leh mankhong bang in hong kituak lianlian hi. Bang ziak in hiai zusa pung zutzut ten ann nek ding hong kidaih lou in amai theihna na uh hon mai ua, a tawptawp in mihing te lou ma leh haichi a thuak tu in hong pang chitchiat zel dan ahi. Huai ziak in ahi mautam in kial a tut sek- zusa tam luat ziak in, haichi kinese gawp mihingte tanding tampi neksiat sak pahpah uhi. Zogam ah zusa population pung hulhul ding hi – census kibawl bang hitaleh 100% growth rate bang hipha maithei ahi aw.

 

Ahi a mautaam tung sung nana na chu Zogam kia lou in vaigam ah leng zusa ana pung tei zaw ahi ding. Ken leng ka in sung (vaigam a om pen) ua pan mahmah in zusa tam ka that mahmahta hi. Ka thah tam dan hon gen zual ta leng Kha khat sung bang in zusa 10(sawm val) bang bawm-thang in ka mal tultul mai. Nou leng kial pan pih na ding in zusa thang kam ana pibawl ding in ka hong ngen ut. Zusa in adverse effect hon tut louhna ding in . Tulai khong a mimal a ipan theihna inn sung a om zusa te khong mattheih zahzah a mat khiak ding in hoih ka sa hi. Hiai in Zogam a I unau kial tuak te I thuak pih dan etsak na leng hi kawm ding in.