Athax KHOVEL EITE - Lawibang thanna tuanglam
  Home
  => Sinusities
  => Diabetes
  => BLUES BROTHERS
  => Lawibang thanna tuanglam
  => Pheisam te
  => Zomi Pupa Gindan Leh Khristian Hinkhua
  => VAANG KISONG
  => Ei Gam leh Shing Gam
  => Mumbai leh Mizoram tanpha ah damna deih hong zin uh
  => The Holy Grail
  => Zodawn tulliim
  => HOW DEEP IS YOUR LOVE FOR YOUR LAND?
  => EITE MUSIC MANOHNA DING...
  => GUITE ZAWI
  => KHUL LEH I KIMINLOHNA
  => Huchi Ana Hi Maw
  => TUALTE
  => Mungboi Media's Salary Calculator
  => Annual Increment Certificate
  => Annual Increment Certificate 1
  => Animation
  => Test Your Skill
  => Tual Inn - Shaoliim
  Contact
  Guestbook
  Mary - Lamdanna
  Lung
  AIDS SYMPTOMS
  PAITE-AS OTHERS SEE
  KHOTA HINKHUA
  welcome
  GALLERY-KHOVEL
  Title of your new page
  Explore Churachandpur
  TECHNOGRAPH
  Beijing Olympics 2008
  Most PoPlar
  Don-khawm
  About Us
  zogam o zogam zokhankhual color
  Nomination Form DCRG
  Nau Oih Late
  Lawm Laa
  Thupil khen khat
  Inspirations Each give what he has
  La ( GOSPEL)
  AngularJS Expression Demo
  AngularJS - Example Directive
  JQuery - if you click on me
  Jquery Disappear
LAWI BANG THANNA TUANGLAM
A za a tam lutangte kei lam hong nga souhsouh. Ka tatna lamlam ah mittang hong kiheek dundun gouh uhi.||JEFF VIZE
[Western Tourist te’n Nidanglai asia a thiltuah uh… Tulai toh kidang na sata hia???]
Film star ka hihlouh buang hang in, gamdang khat ah film star mah bang in ka lun hi. Lemchiinn,dialogue leh chiamnuih chihte ka siam ziak zaw hi buang sam kei ee. Bangladesh ah ni nga sung milun ka va hi a, huai in milunte hinkhua bang chi hiam chih hon thei suah sak geih ve.
Bangladesh hoh ngeita na hihleh, tua ka gen pen na theisiam mai ding. A tangpi thu in, gam jawngdeuhte (developing nation) a na hohkhak leh, a diktak in, kei tuah bangbang na tuak ding-- adiak in a gammite sanga na vun vomzaw hiam ngou zaw hiam ahih ngial in tuh. Chii-le-nam kideidanna thu gen zaw ka hikei – na puansilh jiak hiam, na khoheizia hiam, na mel a hong suak lamdang sakna na neih jiak hiam lam toh kisai thu gen ihi zaw. TV a lat sese angai kei, na hotel sung apan kal suan khe lechin etjui duamduam in na ompah maiding.
Bangladesh a tuam biikna ahihleh gamdang mite a thupi ngaihna uh , a otdiak jiak ahi. Gamdang mi muh pahpahna gam ahikei. Khual va zin a tawm a, Bermuda kkhekoltom teng mingou muhkhak tuh Bangladeshi nautang te ading in, muhnophuaipi suak hi. En kelkul taktak uh eive.
Tangpi thu in miteng a kihawkdak koimunpeuh ah hitaleh, Japan ahi in, misahna India ah hitaleh leng. Hi taahal in Bangladeshite hawkdak dan jaw tuam viau hiveh oh. Tokyo rail station a kimelh cheuh dan leh India te’n tumlam nungak sapum saupipi dawk a vakte a muhnop dan uh bang ahikei. Lungkhamhuaipi a kietna, kamtoh mit toh, mit bang lotkhe hialleh kilawm in hon en ding ua, ki ettuah gegu in om hi. A lung sim ua ‘ka kholai uah gamdang mi om’  chih ngaih tuah uh hi ding in gingta ingh.
Ki ettuah kia in beikei veh. Gamdang khual zinmi a thupi dan chu.. amah jiak in khopi sung lamlian bang khaktan in om thei tang hial hi. Nang om jiak in rickshawpu te leh truck-hekte’n , nang hon munuam in gari bang khawlsak hialmah ua, traffic jam bang omloh zenhouh sam hi. Dawrngakte’n lah a dawr khak hial in hon nungjuih ding ua, naupangte’n football pek taisan zen in na kiim ah hong kiphu nuainuai ding ua, khoihkhak bang honsawm lai giap ding hitel ve uh. Tulai pau in ki Luckh himai. Khatveituh ka taam sung in dawr neu sungkhat a ka lut leh pawtna ding bing hialmah in a hawkdak bangladeshi mi 20 khong in hon um kheukhou uhi. Khatvei lah, lampai kimlai naupang 12 vual in hon lentang ua, khut a honkai in, gamdangmi vendanga amuh uh kiangah hon kai tung tazen uhi. Ni nga ka omsung a gamdang mi ka muh omsun amah ahi ding .
A tunglam in ahih leh mi hon buaipih nate kipah huai ka sa a, hitamahleh lungsim hong kikheng a , kon ngaihtuah thak leh tunna hotel bang khen nop a huai jejen hi. Huchi ahihjiak in palmualsuah dan ding kon gelta hi. Ka thupukna masapen  tuh, kholai a map (guide) en a khawl nonlouh mawng mawng ding chih ahi.  Huchi ahihkeileh miksi hon laka khuaizu takkhum toh kibang a boh a om ding ka hihziak in, gentaklouh amaute chibai buklou a mason theihlouh ding hi zomah lai.!! Banah kihou zek ngai, autograph piak ngai zomah lai.
Khatvei ngail tuh, ka mai a mipi ding dim te sawlkhe ding in, naupang khat ka guaih angai tang hial hi. Ama lohtak ahih leh bangdang hisamlou in, ka lawm hidia hamphatna ka piak hi leltak hi. (huaituh kon ngaina dia hiai ka ma a mite hon hawlkhiak sak in chih dandeuh ahi).
Ka dan nihna  ahihleh, hat taktak a pai ding chih ahi nawn leuleu hi. Min hon enta buang le uh leng, a kinthei pena tai pelh ding, Phantom  bang hial a kin in, huchia ka pailiam san nung a hon ente’n sikha hia mihing chia a kidot souhsouh ding uh chih ahi.
Ka dan thumna  ahih leh, mite tung a kamsiam ding hilele bang chi hiam khat a kisootkhiakna ding zon siam ding chih ahi nawn hi. Hiai hi ken leng zuih nop ka sa hi. Ahihdan nuampen ahih leh, kumpitanu Diana bang a nui hiauhiau kawma mi melh tum a paisan ahi. Ka phur deuh ni in chu, Richard Nixon hihdan enton in, khut lutung a liktou in, khutzung nihte a ‘V’ bawl in mipite ka paikheng zel hi. Hiai pen naupang te’n a kipahpih viau uhi. Mipi umkolh a omkhak chiang in, Politician te hih bang in –khutzan khia in chibai ka buk a, a lu uh ka jut theuhtheuh jel hi. Huchia a hihtheih kei laileh, limlakna dokkhia in, ngaina tute lim ka la jel hi. A tawppen in galvan hoihpen tuh, lupei ahi. Kisiamtan huai kei mahleh, ikinoh mah mah chiang in hiai chindan hi a kizen viau hi.
Ka tecnikh te ni tamlou sung zaw a pai viau na a, huai zoh in nasatak a nunglam akipan salh in ka om hi. Ka buaina hong kipatna tuh, Pink Palace  -Dhaka a khualzin mite hip mahmah mun ka va veh lai in ahi. Kongpi chabi a kikhak mu ding in amun va tung ka suak lel hi.Mosque kai ni, sintawpni ahih jiak in kikhak dan ahi. Hiai mun apan potkhiak theihna omsun tuh, kongzing lun mahmah Bangladeshite kiphut nuainuai na ahi a, amaute’n keilam hon zuan pah huthut uhi.
Ka liangtung apan ka etleh mite’n hon en kheukhou khin gouh ua, bangzah hiam te ngail tuh pilvang tak in kei lam hon manoh khiankhian uhi. Apoikei kintak in ka paikheng na ding. Ka kawljal liangbat in ka pai vatvat ta a, lu tampi keilam hong nga duamduam uh.
Nnasem honkhat in a kituak in “ Hello !” chi in hong kikou guih uhi. “ Hello ! chih lel tuh kei dawnna ahi. “Hello !” hon chi nawn ua, ‘koi gammi na hia?’  chia hon dot uh ka jeldim thubawl jiak in “ America a kipan ka hi” ka chi suk pah hi. Hiai ka thugen in amau a lung kim sak zoukei. Ka gen ngeimah uh gen tuak in ka paikheng dundun hi. “Hello !” “America” “Hello!” “America!” . Bamgladeshite hihdan tangpi adin leng tua ka kihou dan uh tuh mak mahmah chih ding ahi. Huchiin, keilam hon manoh kalsuan ging ka ja hi. Naupang bangzah hiam leng ka mailam ah hong kilang ua, pai hat deuhdeuh kawm in Richard Nizon hihdan in ka hih hi.
Nnasem mite’n hon phakma uh naupangte’n hon pha ua, a tamluat ziak un ka dinkhawk hi. Ka lampi hon dal uh zaw ahikei; a diktak in, kei apan metre khat khong a gamla ah a khawl uhi. A kikou nakluat ziak uh leh gawl dim zen a ao ahihziak un bang hiam a diklou khat zaw om hi ven chin. A awsuak te uh Bengali leh English ahia, - ‘hello’ leh ‘hey mister’ chih leh hon thuhilhna dang te uh ka theih siam louh pau in a gen uhi.
Huchih sung in, a kalsuan te un hon naihsem a, --ka paizel a ngai hi. ‘hello’ chikawm in mailam ka nawt nawn hi. Atawptawp in khat in “No” hon chikhe khong khong hi. Adangte’n mihai mah bang in en heuhou kawm in hon kok uh. Ken ‘Hello’ ka chi jel.
Naupangten hon nuihsan juajua tamai uhi; hiai tuh a theih teng lak ua nuihzat huaipen hi ding hiven. A siangsiang in kei tuh buai gawp chih ding ka hita mai. Huchiin, a kalsuan te un hon phata hi. Nnasem te laka khat in, ka khe kok kawm in “Mister !” “No”  hon chi hi.
Ka etsuk leh, Metre zakhat ding khong, cement kawt tung a hunzang a paikhin kana hi maimah hi. Ka nunglam siahsiah ah ka khe khap a muhtheih teltual a, Mosque kongpi tan in. I minthan jiak a hon delh zaw hikei lim ve uh.
 

Titles under
HOME
 
Back to  [ HOME ]    or  [ KHOTA HINKHUA ]

[ About US ]

Site Entu- Hiai zah 78827 visitors (352098 hits) on this page!
This website was created for free with Own-Free-Website.com. Would you also like to have your own website?
Sign up for free