EITE MUSIC MANOHNA DING
By-Lee
Tulai in khangthak te’n Music I ngaina diak panta ua, lasiam tampi mahmah suakthak I muta uhi. Hiaite in I dinmun uh level bangtan hiam ah kaisangtou chih chian hi. Nam pichingte a khantouh dungzui un music lampang leng khang zel ua, I music dinmun in leng i khantouhna tan gen thei hi.A siangsiang a gen in ei North East singtangmite lakah unau Lushei te music lamtoh kisai in ana madawk deuh ua, a dangte malam pek ah om uh chile khial lawmlawm lou ding hi hang . Amauten comtemporary music ana bohban pahpah uhi. Rap, hiphop, Blues, Raggie, Rock, country chihte bang leh Alternate Rock chih dan deuh te khong la hon nei zungzung hi in ka thei hi.
Eiten leng music zunna ah ilate khovel puakkhiak toh kituak a update tomtom( ngalzel) theih poimoh kasa hi. En I lakaih ngeina ban level sangzaw a dopsang kisiamlou in, zogam classic kaih dueh ngen in I lasiamten album hon bawl ua, creativity sang in quantity lam en hileng kilawm sa ingh. Hiai a Zogam Classic ichihte Tualsuak lakaih leng chih theih ; ahih uh leh etsakna ding in Phansa Pu T.Khampu sak – “Zolei lawkta tau aw” chih kaih dante I genna ahi. I late uh Tualsuak lakaih a ki base ngen ahilai uh, tuni tan a album kibawl teng ah chileng zaa-ah-sawmkua (90%) adik din ka gingta hi. A kaih chituam deuh khenkhatte leng Zogam Classic Modernise hihthoh hi. Rock/pop/ Punk / Heavy Metal/ Hiphop/ Pub/ Rap/ Raggie etc. etc. genre a lakluttheih taktak ding a tamkei. A omsunte le mi saksa athu I khek (eipau a) ahi a, original omsun omte zong music in zillou deuh a theih ahilai.
Eimi lasiamte, phuaksiamte, leh musician te hong kisathak dia nget nop huai sa kahi. A tuam deuh , music toh kituak, artistic mahmah khong hong suakthei zelleh ut huai lua. Hi mahleh audience te a tuamte nolkhin zel uhia? Ahih kei leh a tuamkaih tea asate siamzoulou deuh ? Hiai gelhtu in tunitan a la/album/ artist chiamteh tham deuh leh I music dinmun sangzaw deuh a ana tunpih hi a atheih te taklatna inei zual di. 90s vel a kibawlte akipan kisutpan dan in hisaple maw
|
Mimin Baite
|
Rock category
|
|
Family Gospel
|
Dance/Pop etc
|
|
Zorock
|
Rock/ Heavy etc
|
|
Rabbie Band
|
Alternate Rock/Punk/Hiphop chihte lam new trend music.
|
|
Gloria
|
Zogam Classic chuh hi hilele Zogam Modern Classic chih theih
|
|
Benjamin Thomte
|
Pop /Dance leh Zogam Classic fused
|
Hiai a tung a I taklat zualte hoih tak a compile bawlzen a decision kila hilou in, minute 20,30 sunga keimah lungsim in a batphak zualte etsakna dia kitaklang zual ahia adang taklat tuak hihkhak louh tampi a om ding . I music te International Level a promote theih na ding in genre khat kia hilou genre om thei teng I kisin ua, I taleng I suah khiak chiat tak uh hoih ding in gingtak huai hi.
Vaite bangin (eite toh ki compare ni chihna hilou in) tuma kum 15 paisa in instrument ding in Guitar , Tabla, Harmonium , Sitar & Violin chuah zang ua himahleh tu tomchik sung in Rock, Raggae, Jazz, Rap Hiphop etcetc music Album chikim western te sang a le siam zaw phial in hon sa thei mawk uhi.
Taktapa pangthak ni, solfa, staff notation, instrument ( guitar kia hiseselou) chikim kisin in hahkat ni. Midangte I copy na ding a kichei dan uh leh chetdan hoihloute hizawlou in hiaite khong hizaw hilou hia….?
Titles under
HOME
[ About US ]
